2022-11-14 [11:42 AM]

ئەدێل، گۆرانیبێژی بەریتانی، سیستەمێک بۆ پاراستنی دەنگی لە زنجیرە کۆنسێرتی داهاتووی لە لاس ڤێگەس لە ئەمریکا دابین دەکرێت.

تێچووی سیستەمەکە 776 هەزار دۆلارە و بۆ پاراستنی دەنگی لە کاتی بەڕێوەچوونی کۆنسێرتەکانی لە لاس ڤێگەس دەکرێت کە بڕیارە لە 18 ئەم مانگە دەستپێبکات.

ئەو هونەرمەندە تەمەن 34 ساڵە، لە هوتێل و گازینۆی کۆشکی قەیسەر زنجیرە کۆنسێرتەکە سازدەکات و تاوەکو ساكی داهاتوو بەردەوام دەبێت.

ئەدێل ساڵی رابردوو ئەو زنجیرە کۆنسێرتەی بە بیانووی ڤایرۆسی کۆرۆنا دواخست، ئەمەش تەنیا 24 کاژێر بەر لە دەستپێکردنی کۆنسێرتەکە بوو.