2022-11-23 [06:45 AM]

سەر لەبەیانی ئەمڕۆ چوارشەممە 23/11/2022، بوومەلەرزەیەک بە گوڕی 6.1 پلە پێوەری رێختەر تورکیای هەژاند، بەگوێرەی زانیارییە سەرەتاییەکان 35 کەس بریندارن.

بوومەلەرزەکە شاری ئیستانبوڵ و چەند شارێکی دیکەی تورکیای هەژاندووە، ناوەندی بوومەلەرزەکە شاری دوزجە بووە.

فەخرەدین کۆجا، وەزیری تەندروستی تورکیا لە تویتێکدا رایگەیاند،  35 کەس برینداربوون کە 32 کەسیان لە دوزجە، یەکێکیان لە ئیستانبوڵ و دوو کەسەکەی دیکەش لە پارێزگاکانی بۆلو و زۆنگوڵداک.

بەپێی زانیارییەکان ژمارەیەک باڵەخانە و خانووی شارەکەش زیانیان بەرکەوتووە.

تورکیا یەکێکە لە چالاکترین ناوچەکانی بوومەلەرزە لە جیهاندایە. لە مانگی یەکی ساڵی 2020دا بوومەلەرزەیەک بە گوڕی 6.8 پلەی گەرمی شاری ئێلازیگی هەژاند و زیاتر لە 40 کەس گیانیان لەدەستدا.