 |
|
|||
ZNA - هەولێر ئەمڕۆ یەکشەممە لە درێژەی یارییەکانی قۆناغی کۆمەڵەکانی جامی جیهانی قەتەر چوار یاری تر بەڕێوەدەچن.
لە یەکەم یاریدا و لە کاتژمێر 1ی نیوەڕۆ هەردوو هەڵبژاردەی یابان و کۆستەریکا ڕووبەڕووی یەکتر دەبنەوە، یابان لە یاری ڕابردوو توانی ئەڵمانەکان تووشی شکست بکات، هەر بویە بە ڕوحیەتێکی بەرزەوە دێتە ناو یاریگا. هەرچی کۆستەریکایە جەنگی مان و نەمانی لەپێشە، چونکە شکست بهێنێت ئەوا ماڵئاوایی لە جامەکە دەکات.
لە دووەم یاریدا کە لە کاتژمێر 4 ئەنجام دەدرێت، هەردوو هەڵبژاردەی بەلجیکا و مەغریب بەیەک دەگەن. بەلجیکا خاوەنی سێ خاڵە و مەغریبیش تەنیا خاڵێکی هەیە.
لە کاتژمێر 7ی شەو، هەڵبژاردەی کرواتیا بەرامبەر کەنەدا یاری دەکات، کرواتیا تاکە خاڵی هەیە و کەنەداش تووشی شکست هاتبوو.
لە دوا یاریی ئەمشەودا کە کاتژمێر 10 بەڕێوەدەچێت، هەردوو هەڵبژاردەی ئیسپانیا و ئەڵمانیا ڕووبەڕووی یەکتر دەبنەوە، ئەڵمانیا زامدارە و جگە لە بردنەوە هیچ بژاردەیێکی تری نییە، هەرچی ئیسپانیایە هەوڵ دەدات هەرچونێک بێت خۆی بگەیێنتە قۆناغی داهاتوو. ئەم هەواڵە 310جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad