 |
|
|||
ZNA- هەولێر سندووقی منداڵانی ڕێکخراوی نەتەوەیەکگرتووەکان کوژرانی زیاتر لە پەنجا منداڵ لە خۆپێشاندانەکانی ئێرانی پشتڕاست کردەوە و توندوتیژی لە دژی منداڵان لە لایەن حکوومەتی ئێرانی ئیدانە کردڕێکخراوی یوونیسێف لە راگەیاندراوێکدا جەختی کردووەتەوە کە کۆماری ئیسلامیی ئێران یەکێک لە ئەندامانی پەیماننامەی مافی منداڵانە و دەبێ ڕێز لە مافەکانی مناڵان بۆ هەبوونی ژیانێکی هێمن و ئازادیی بیرکردنەوە و کۆبوونەوەی ئاشتیانە بگرێت. لە ڕاگەیاندراوەکەی یوونیسێفدا هاتووە منداڵان و مێرمنداڵان دەبێ لە هەر جۆرە هەڕەشەیەک کە ژیان و ئازادیی ئەوان و هەروەها تەندروستیی جەستەیی و دەروونیی ئەوان دەخاتە مەترسییەوە بپارێزرێن و پێویستە قوتابخانە ببێتە شوێنێکی هێمن بۆ منداڵان. بە گوێرەی ئامارەکانی کۆمەڵەی چالاکانی مافی مرۆڤی ئێران، لە ماوەی 70 رۆژ خۆپێشاندان و ناڕەزایی دەربڕین لە شارەکانی ئێران، لانیکەم 63 منداڵ بە تەقەی هێزە ئەمنییەکانی کۆماری ئیسلامیی ئێران کوژراون. ئەم هەواڵە 244جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad