English | عربی | Kurdî دواهەواڵ
ڕاستەوخۆ  
 
گەورەترین گڕکانی جیهان له‌ دوای 40 ساڵ چالاکدەبێتەوە
2022-11-29 [12:37 PM]

ZNA - هه‌ولێر


 

گڕکانی ماونا لوا Mauna Loa کە گەورەترین گڕکانە لە جیهاندا و دەکەوێتە دورگەی هاوایی، لە ڕۆژی دووشەممەوە و لە دوای نزیکەی 40 ساڵ چالاکبووەتەوە.

کاربەدەستان لە بەشی چاودێری گڕکان لە دەزگای جیۆلۆجی ئەمەریکا دەڵێن هێشتا چالاکبوونەوەی گڕکانەکە نەگەیشتووەتە ئەو ئاستەی جێی مەترسی بێت، بەڵام هوشداریش دەدەن کە شیانی هەیە لە هەر ساتێکدا دۆخەکە بگۆڕێت، بۆیە داوا لە دانیشتوان دەکەن لە ئامادەباشیدابن بۆ ئەگەری چۆڵکردنی ناوچەکەیان.

دەزگاکە ڕایگەیاند بەشی چاودێری گڕکان لە هاوایی لەگەڵ بەڕێوەبەرایەتی باری نائاسایی پێکەوە لە ئاسمانەوە چاودێری گڕکانەکە دەکەن کە زیاتر لە 4 کیلۆمەتر لە ئاستی دەریاوە بەرزە.

جێی ئاماژەیە 6 گڕکان لە دورگەکانی هاوایی هەن، یەک لەوانە گڕکانی ماونا لوا، بەپێی دەزگای جیۆلۆجی ئەمەریکا لەوەتای ساڵی 1843 وە 33 جار ئەم گڕکانە چالاکبووەتەوە. دوایین چالاکبوونەوەی لە ساڵی 1984 بووە و بۆ ماوەی 22 ڕۆژ گڕاوی هەڵداوە و گەیشتووەتە نزیکەی دوری 7 کیلۆمەتر لە شاری هیلۆ Hilo کە لە ئێستادا ژمارەی دانیشتوانەکەی نزیکەی 44 هەزار کەسە.

 

voa





ئەم هەواڵە 199جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad