English | عربی | Kurdî دواهەواڵ
ڕاستەوخۆ  
 
ئەڵمانیا نایەوێت بە ماڵئاواییکردن لە مۆندیال ببێتە مانشێتی گەورەی میدیا
2022-12-01 [04:23 AM]

ZNA-هەولێر


یارییەکانی گەڕی سێیەمی قۆناخی کۆمەڵەکانی مۆندیال بەرەو کۆتایی دەچن، کاتی یەکلاکردنەوەی هاوکێشەکان و بلیتەکانی قۆناخی داهاتوو، لە کۆمەڵەی پێنجەمدا ئەوەی هەمووان لە دوو گەڕی یەکەمدا چاوەڕێی نەبوون روویدا، هەڵبژاردەی ئەڵمانیا یاریی یەکەمی دۆڕاند و لە یاریی دووەمیشدا تەنیا خاڵێکی بەدەستهێنا، ئەمڕۆ بۆ ئەوەی رۆژێکی یەکلاکەرەوە و گرنگە و جگە لە بردنەوە هیچ بژاردەیەکی دیکەی نییە، بەڵام بردنەوەش بەس نییە.

 

ئەڵمانیا بەرامبەر کۆستاریکا یارییدەکات، بردنەوەی یارییەکە ئەڵمانیا لە گەیشتن بە قۆناخی داهاتوو نزیکدەکاتەوە، بەڵام لەگەڵ ئەوەشدا پێویستە ژاپۆن بدۆڕێت.

 

مانشافت لەبەردەم رێگەیەکی زەحمەت و ئاڵۆزدایە، بەتایبەت کە هەر چوار هەڵبژاردە هەلی گەیشتنیان بە قۆناخی داهاتوویان هەیە.

 

کۆستاریکا دوای بردنەوەی لە ژاپۆن متمانەی زیاتری بەخۆی هەیە و دۆڕانی بەرامبەر ئیسپانیای لە بیر خۆی بردووەتەوە، ئەوان هەرچەند بەرامبەر هەڵبژاردەیەکی گەورەی ئەوروپا و جیهان یارییدەکەن، بەڵام ئەوان نایانەوێت بە ئاسانی دەستبەرداری یارییەکە ببن و هێندە پارۆیەکی ئاسان بن.

 

لە یارییەکەی دیکەدا ئیسپانیای پێشەنگی ریزبەند بە پێکهاتەیەکی لاو و بە چوار خاڵەوە، بەرامبەر هەڵبژاردەی ژاپۆن یارییدەکات، دوای بردنەوەی ژاپۆن لە ئەڵمانیا، بەدڵنیاییەوە ئیسپانیا بە وردەکاریی زۆرەوە رووبەڕووی ئەو هەڵبژاردەیە دەبێتەوە بۆ ئەوەی خۆی لە هەموو ئەنجامێکی چاوەڕواننەکراو بپارێزێت، لە ئەگەری سەرکەوتنیش بە یەکەمی کۆمەڵەکە بگاتە قۆناخی داهاتوو، بۆ ئەوەی لە قۆناخی 16 خۆی لە رووبەڕووبوونەوەی هەڵبژاردە گەورەکان بپارێزێت.

 

ژاپۆن بەبردنەوە راستەوخۆ دەگاتە قۆناخی داهاتوو و بەیەکسانبوونیش هەلی سەرکەوتنی دەبێت، بەڵام ئەو کاتە هاوکێشەکە ئاڵۆز دەبێت و دەبێت چاوی لە ئەنجامی یاریی ئەڵمانیا و کۆستاریکا بێت بۆ یەکلابوونەوەی چارەنووسیان لە مۆندیالدا.

 

ئەمە یەکەم یاریی فەرمی نێوان لارۆخا و سامۆرایە، ئیسپانیا و ژاپۆن 90 خولەکی ئاڵۆزیان لەبەردەمە بۆ یەکلاکردنەوەی چارەنووسی کۆمەڵەکەیان.





ئەم هەواڵە 937جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad