2022-12-04 [07:59 AM]

بەڕێوەبەرایەتی فڕۆکەخانەی نێودەوڵەتیی بەغدا دەلێت، بەهۆی کەمبوونەوەی ئاستی بینین بۆ 400 مەتر، لە كاتژمێر 3 ی  بەرەبەیانی ئەمڕۆ یەکشەممەوە سەرجەم گەشتەکان راگیراون.

ئەمرۆ یەکشەممە 4-12-2022، بەڕێوەبەرایەتی فڕۆکەخانەی نێودەوڵەتیی بەغدا رایگەیاند: "سەرجەم گەشتیاران و کۆمپانیاکانی فڕۆکەوانی ئاگادار دەکەینەوە کە گەشتە ئاسمانییەکان دەوەستن، هۆکارەکەشی بۆ کەشوهەوا دەگەڕێتەوە کە ئاستی بینین کە لە كاتژمێر 3 ی  بەرەبەیانی رۆژی یەکشەممەوە بۆ 400 مەتر دادەبەزێت، لە هەر گۆڕانکارییەکی پەیوەست بە جووڵەی ئاسمانی لە فڕۆکەخانە ئاگادارتان دەکەینەوە."

لەهەمان كاتدا، عامر جابری، گوتەبێژی دەستەی کەشناسی و بوومەلەرزەزانی عێراق رایگەیاند: "ئەمڕۆ تەمێکی زۆر هەیە و ئاستی بینین لە بەشێک لە ناوچەکانی ناوەڕاست و باشووری عێراق بۆ کەمتر لە 400 مەتر کەمبووەتەوە و راگرتنی گەشتەکانی فڕۆکەخانەش بەهۆی ئەوەوەیە .