|
 |
|
|||
ZNA – هەولێر سەرۆکی فەڕەنسا رایگەیاند، وڵاتەکەی و وڵاتانی رۆژئاوا لەناوچوونی روسیایان ناوێت بەڵام دەیانەوێت یەکپارچەیی ئۆکرانیا بپارێزێت. کەناڵی سی بی ئێس، رایگەیاند: ئیمانوێل ماکرۆن سەرۆکی فەڕەنسا دەڵێت، پۆتین ناڕەزاییە لە هەڵوێستەکانی سەبارەت بە فەڕەنسا و ئەمریکا و ئەوروپا ، چونكە روسیا پێی وایە وڵاتانی روژئاوا هەوڵی لەناوبردنی دەدەن." ماکرۆن ئەوەشی خستەڕوو، "پێموانییە لەناوبردنی روسیا ئامانجی ئێمە بێت، و فەڕەنسا ئاواتێکی لەو شێوەیەی نییە، جگە لەوەش لە روانگەی کلتوری و مێژوییەوە پەیوەندییەکی زۆر نزیکمان هەیە و هەمیشە رێزمان لە خەڵکی روسیا گرتووە." ئەم وتانەی ماکرۆن لەکاتێکدایە، وڵاتەکەی یەکێکە لەو وڵاتانەی هەمیشە جەختی لە زیادکردنی یارمەتی و پاڵپشتی دارایی و سەربازی هێزەکانی ئۆکرانیا دژ بەروسیا کردووەتەوە و هاوکاری پێشکەشی ئۆکرانیا کردووە و سەرکۆنەی پوتین و هێرشەکانی سەر ئۆکرانیای کردووە. ئەم هەواڵە 184جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad