English | عربی | Kurdî دواهەواڵ
ڕاستەوخۆ  
 
وه‌زاره‌تی په‌روه‌رده‌ دوو بڕیاری نوێ ده‌رده‌كات
2022-12-06 [06:28 AM]

ZNA- هه‌ولێر


وه‌زاره‌تی په‌روه‌رده‌ی حكوومه‌تی هه‌رێمی كوردستان ئه‌مڕۆ سێشه‌م چه‌ند بڕیارێكی نوێی له‌سه‌ر ئه‌نجامدانی تاقیكردنه‌وه‌كانی قوتابییان له‌ قوتابخانه‌كان ده‌ركرد كه‌ بڕیاره‌ له‌ رۆژی 14ی ئه‌م مانگه‌ ده‌ست پێ بكات.

به‌پێی فه‌رمانێكی وه‌زاری كه‌ له‌لایه‌ن وه‌زاره‌تی په‌روه‌رده‌ به‌ ئیمزای ئالان حه‌مه‌سه‌عید وه‌زیری په‌روه‌رده‌ ده‌رچووه‌ دوو بڕیاری نوێ بۆ تاقیكردنه‌وه‌ی قوتابییان له‌ قوتابخانه‌كان ده‌ركراوه‌.

بڕیاره‌كه‌ی یه‌كه‌م تایبه‌ته‌ به‌ پێكهاته‌ی ئێزیدی و كریستیانه‌كان، وه‌زاره‌تی په‌روه‌رده‌ ده‌سه‌ڵاتی به‌ به‌ڕێوه‌به‌ری ئه‌و قوتابخانانه‌ داوه‌ كه‌ خشته‌ی تاقیكردنه‌وه‌كان به‌شێویه‌ك دابنێن كه‌ بۆیان گونجاو بێت له‌گه‌ڵ جه‌ژن‌ و ئاماده‌سازی بۆنه‌كانیان.

بڕیاری دووه‌میش تایبه‌ته‌ به‌ رۆژی ئاڵای كوردستان له‌ ڕێكه‌وتی 17/12 كه‌ ئه‌و ڕۆژه‌ش تاقیكردنه‌وه‌كانی كۆتایی وه‌رزی یه‌كه‌می تێدا به‌ڕێوه‌ ده‌چێت، وه‌زاره‌تی په‌روه‌رده‌ ته‌نیا بۆ ئه‌و ڕۆژه‌ بڕیاری دا تاقیكردنه‌وه‌كان یه‌ك كاتژمێر دره‌نگتر ئه‌نجام بدرێت تا ته‌واوبوونی مه‌ڕاسیمی رۆژی ئاڵا ئه‌نجام ده‌ده‌ن.

به‌گوێره‌ی ئه‌و خشته‌یه‌ی وه‌زاره‌تی په‌روه‌رده‌ی حكوومه‌تی هه‌رێمی كوردستان دیاری كردووه‌ تاقیكردنه‌وه‌كان كۆتایی وه‌رزی یه‌كه‌می قوتابخانه‌كان له‌ ڕۆژی 14ی ئه‌م مانگه‌ ده‌ستپێده‌كات و تا ڕۆژی 24ی هه‌مان مانگ به‌رده‌وام ده‌بێت.

وه‌زاره‌تی په‌روه‌رده‌ پێشتر ڕایگه‌یاندبوو كه‌ پشووی قوتابخانه‌كان له‌ ڕۆژی 25ی ئه‌م مانگه‌ ده‌ستپێده‌كات تا رۆژی 2/1/2023.





ئەم هەواڵە 232جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad