|
 |
|
|||
ZNA-هەولێر ئەڤرۆ رۆژا پێنچشەمبی رێکەفتی ٨ی کانینا ئێکێ یا ٢٠٢٢ێ بەرێز “د.عەلی تەتەر” پارێزگارێ دهۆکێ ب ئامادەبوونا بەرێز “ئانو جەهوەر” وەزیرێ ڤەگوهاستن و گەهاندنێ یێ حکومەتا هەرێما کوردستانێ و بەرێز “د.سالار عوسمان” بریکارێ وەزارەتا رەوشەنبیری و لاوان یا حکومەتا هەرێما کوردستانێ و پەرلەمانتار و کەسایەتیێن رەوشەنبیری و ئاینی یێن کرستیان و دەڤەرێ پشکداری دحەفتیا رەوشەنبیریا سریانی ژلایێ رێڤەبەریا گشتی یا رەوشەنبیری و هونەری یا سریانی و رێڤەبەریا رەوشەنبیریا سریانی ل پارێزگەها دهۆکێ هاتیە رێکخستندا کر. دمەراسیما دەستپێکرنا حەفتیێدا چەندین برگێن هۆنەری هاتنە پێشکێشکرن، پاشان دپەیڤەکێدا پارێزگارێ دهۆکێ باس ل پێکڤەژیانا دەڤەرێ و کەلتورێن هەمەجورێن دەڤەرێ کر و پشتەڤانیا حکومەتا هەرێما کوردستانێ و کارگێریا پارێزگەها دهۆکێ بۆ بزاڤێن کەلتوری و هونەری دۆپاتکر و هیڤیا سەرکەفتنێ بۆ حەفتیا ناڤبری خواست. پاشان بەرێز “د.سالار عوسمان” پەیڤا وەزارەتا رەوشەنبیری و لاوان یا حکومەتا هەرێما کوردستانێ پێشکێشکر. ژهەژی گوتنێیە بەرنامێ حەفتیا سریانی بۆ دەمێ چار رۆژان دێ یێ بەردەوام بیت. ئەم هەواڵە 247جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad