English | عربی | Kurdî دواهەواڵ
ڕاستەوخۆ  
 
ئەڵمانیا گۆڕانکاری لە یاساکانی کۆچبەریدا دەکات
2022-12-10 [11:59 AM]

ZNA - هه‌ولێر


لە ئەڵمانیا گۆڕانکاری لە یاساکانی کۆچبەریدا دەکرێن. گۆڕانکارییەکی ئاسانکاری و ئەرێنین. زۆر کەس دەیانەوێت بزانن ئەو گۆڕانکارییانە چین و چۆن کاریگەرییان لەسەر کۆچبەرانی کورد دەبێ.

پەرلەمانی فیدڕاڵی ئەڵمانیا پڕۆژەیاسایەکی پەسندکرد کە لە سەرەتای ساڵی داهاتووەوە دەچێتە واری جێبەجێکردنەوە و بەگوێرەی یاساکە، هەر کۆچبەرێک ماوەی پێنج ساڵ لە ئەڵمانیا مابێتەوە و دۆڵندونگی هەبێت، ئەوا مافی مانەوەی کاتی بۆ ماوەی 18 مانگ پێدەدرێت و دەبێت لەو ماوەیەدا خۆی فێری زمانی ئەڵمانی بکات و کارێکیش بۆخۆی بدۆزێتەوە.

بەڵام ئەو کۆچبەرانەی کە پاسپۆرتی وڵاتەکانیان نییە، ئەو مافەیان پێنادرێت، ئەمەش کێشەی بۆ ئەو کۆچبەرانە دروستکردووە کە بەهۆی سیاسەتی وڵاتەکەیان هەڵاتوون، بۆ نموونە ئەو کوردانەی لە ریزی حیزبە کوردستانییەکانی رۆژهەڵاتی کوردستان پێشمەرگە بوون و ناتوانن بچنە باڵیۆزخانەی ئێران لە ئەڵمانیا، چونکە باڵیۆزخانەکان بە بەشێک لە خاکی وڵاتەکە ئەژماردەکرێت و گرەنتی ئازاردانیان نییە.

ئارێز ئەحمەد دەروێش، پارێزەر و شارەزای کۆچبەری لە ئەڵمانیا رایگەیاند، یاساکە وردەکاریی زۆری تێدایە و لەوانەیە ببێتە هۆکارێکی باش بۆ بەدەستهێنانی مافی مانەوەی هەمیشەیی بۆ دەیان هەزار کۆچبەر.

ئارێز ئەحمەد لە میانەی بەشداریکردنی لە بەرنامەی دیاسپۆرا روونیکردەوە، نزیکەی 100 هەزار کۆچبەر لە ئەڵمانیا دۆڵدونگیان هەیە، دۆڵدونگ واتە مافی مانەوەی نییە و دیپۆرتیش ناکرێتەوە.

ئارێز ئەحمەد گوتی، "بەپێی یاساکە کۆچبەر چەندین مەرجی بۆ دانراوە بۆ ئەوەی مافی مانەوەی هەمیشەیی پێبدرێت، لەوانە دەبێت کۆچبەر تاوەکو 1ی 1ی 2022 ماوەی 5 ساڵ لە ئەڵمانیا مابێتەوە، هەروەها نابێت کۆچبەر زیندانی کرابێت، یاخود لە 50 رۆژ زیاتر زیندانی نەکرابێت، هەروەها دەبێت کۆچبەر پاسپۆرتی وڵاتەکەی هەبێت، کاتێک ئەمانەی هەبوو، ئەوکات حکومەتی ئەڵمانیا مافی مانەوەی 18 مانگ بەشێوەی کاتی پێدەدات و دەبێت لەو ماوەیەدا خۆی فێری زمانی ئەڵمانی بکات و کارێکیش بۆ خۆی بدۆزێتەوە، ئەگەر ئەوانەی جێبەجێکرد، ئەوکات مافی مانەوەی هەمیشەیی پێدەدرێت".

ئارێز ئەحمەد گوتیشی، یاساکە ئەو کۆچبەرانە ناگرێتەوە کە لە دوای 2017 چوونەتە ئەڵمانیا.

ئارێز ئەحمەد ئاشکرایکرد، هەر کۆچبەرێک فێری زمانیش نەبێت تەنیا زیندانی نەکرابێت، واتە تاوانی ئەنجام نەدابێت ئەوا دیپۆرت ناکرێتەوە.

 

رووداو





ئەم هەواڵە 265جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad