English | عربی | Kurdî دواهەواڵ
ڕاستەوخۆ  
 
بانكی ناوەندی عێراق: لەماوەی دوو هەفتەدا نرخی دۆلار دەگەڕێتەوە دۆخی ئاسایی خۆی
2022-12-11 [07:51 AM]

ZNA-هەولێر


دوێنێ شەممە، بانكی ناوەندی عێراق هۆكاری بەرزبوونەوەی نرخی دۆلاری ڕوونكردەوە، هاوكات وادەیەكی بۆ گەڕانەوەی بۆ دۆخی ئاسایی خۆی دیاریكرد.
ئیحسان یاسیری، ڕاوێژكاری بانكی ناوەندی لە بەیاننامەیەكدا بۆ ئاژانسی هەواڵی عێراقی (ئینا) ڕایگەیاند: كێشەی نرخی ئاڵوگۆڕی پەیوەندی بە ڕێژەی پارەوە هەیە، ئاماژەی بەوەشكرد، بانكی ناوەندی پلاتفۆرمێكی بۆ بانكەكان دامەزراندووە،بۆ پێشكەشكردنی داواكارییەكانیان بۆ بەدەستهێنانی دۆلارەكە.
ئاماژەی بەوەشكرد، ئەم پلاتفۆرمە ڕێكارەكانی هەیە، چونكە عێراق هێشتا پابەندە بە مەرجە نێودەوڵەتییەكان لەسەر پرسی دۆلار و بەرەنگاربوونەوەی سپیكردنەوەی پارە و پارەداركردنی تیرۆریستان، ڕوونیشیكردەوە ،هەندێك لە بانكەكان كاتیان بۆ جێبەجێكردنی ئەو داواكاریانە تەرخانكردووە.
یاسیری ئاماژەی بەوەشكرد، پێشتر بانكەكان داواكارییەكانیان پێشكەشكرد و هاتبوونە بانكی ناوەندی و دۆلارەكەیان بەدەستدەهێنا، بەڵام ئێستا بانكەكان داواكارییەكانیان لەسەر پلاتفۆرم بەرزدەكەنەوە و كاتێك دەگەنە بانكی ناوەندی لەلایەن بانكەكەوە پشكنینیان بۆ دەكرێت و ئەم پرۆسەیەش ڕەنگە هەندێك كات بخایەنێت، ئاماژەی بەوەشكرد كە هەندێك لە بانكەكان سنوورداركردنیان هەیە. 
ڕوونیشیكردەوە، بانكی ناوەندی بە بەرزكردنەوەی ئاستی دابینكردنی خواست لەسەر فرۆشتنی نەختینە مامەڵەی لەگەڵ ئەمەدا كردووە و پشكی بانك و كۆمپانیاكانی پۆلی (A - B - C)ی لە دۆلارەوە زیادكردووە، ئاماژەی بەوەشكرد ،رێكارەكانی وردبینی دەگرنەبەرو نرخی ئاڵوگۆڕ دەگەڕێتەوە بۆ هاوسەنگی سروشتی.
هەروەها جەختی لەوە كردەوە كە نرخی ئاڵوگۆڕكردنی دۆلار هێشتا دیسپلینكراوە و لە ماوەی دوو هەفتەدا دەگەڕێتەوە باری ئاسایی خۆی.





ئەم هەواڵە 232جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad