English | عربی | Kurdî دواهەواڵ
ڕاستەوخۆ  
 
ئەمەریکا: دوو به‌رپرسی داعشمان لە سوریا کوشت
2022-12-12 [12:24 PM]

ZNA - هه‌ولێر


 

ڕۆژی یەکشەممە نێوەندی فەرماندەیی سوپای ئەمەریکا CENTCOM ڕایگەیاند، سوپای ئەمەریکا دوو به‌رپرسی داعشی لە هەڵمەتێکی نیوەشەودا لە ڕۆژهەڵاتی سوریا کوشتووە.

بەگوێرەی بەیاننامەی CENTCOM یەکێک لەو دوو کەسەی کوژراوە بە ناوی " ئەنەس"ە کە بەرپرسێکی داعشە لە سوریا کە " بەشدار بووە لە پیلانگێڕییە کوشندەکان و خێراکردنی ئۆپەراسیۆنەکانی گروپەکە لە ڕۆژهەڵاتی سوریا."

ڕوانگەی سوریا بۆ مافەکانی مرۆڤ دەڵێت ئەم ئۆپەراسیۆنە دیارترین ئۆپەراسیۆنی دژە داعش بووە لە ماوەی بەلایەنی کەم سێ هەفتەی ڕابردووەوە.

ڕامی عەبدولڕەحمان سەرۆکی ڕوانگەکە ڕایگەیاند، یەکەی دژە تیرۆری هێزەکانی سوریای دیموکراتیک بە سەرۆکایەتی کوردەکانیش بەشدارییان لە ئۆپەراسیۆنەکەی شەوی یەکشەممەدا کرد کە لە گوندی ئەلزۆر لە ڕۆژهەڵاتی پارێزگای دێرەزور ئەنجام درابوو.

نێوەندی فەرماندەیی سوپا ئەمەریکا لە بەیاننامەکەیدا دەشڵێت ئەمەریکا پابەندە "بە بەرەنگاربوونەوەی هەڕەشە جیهانییەکانی داعش بە هاوبەشی لەگەڵ هێزە ناوخۆییەکاندا. داعش بەردەوامە لە پەیڕەوکردنی ئەجێندای ئۆپەراسیۆنی شەڕانگێزانەی، لەوانەشدا هێرشی دەرەکی کە هەڕەشە لە هاوپەیمانان و هاوبەشەکانی ئەمەریکا لە ناوچەکە و دەرەوەی دەکات."

ویلایەتە یەکگرتووەکانی ئەمەریکا لە شەڕی دژ بە داعشدا پشتیوانی لە هێزەکانی سوریای دیموکراتیک دەکات.

سەدان سەربازی ئەمەریکایی لە سوریا ماونەتەە وەکو بەشێک لە هاوپەیمانی جیهانی بۆ شەڕی دژ بە داعش.

هاوکاتی هەبوونی هێزەکانی ئەمەریکا لەو ناوچەیە تورکیا لە 20 ی مانگی 11 وە ڕایگەیاند دەستیکردووە بە هێرشی دژ بە کوردەکان لە باکوری سوریا و عێراق وەک تۆڵەیەک بۆ هێرشەکەی مانگی ڕابردووی ئەستەنبوڵ کە گروپە کوردەکانی پێ تۆمەتبار دەکات.





ئەم هەواڵە 163جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad