 |
|
|||
ZNA-هەولێر
ئه‌نجومه‌نی ئابووری و کۆمەڵایەتیی نەتەوەیەکگرتووەکان، ئەو بڕیارەیان پەسەند کرد کە لەلایەن ئەمریکاوە سەبارەت بە "دەستبەجێ دەرکردنی ئێران" لە کۆمسیۆنی ژنانی سەربە نەتەوەیەکگرتووەکان بۆ ماوه‌ی ٢٠٢٢-٢٠٢٦ پێشکەشکرابوو.
لە کۆی ٥٤ ئەندامی ئه‌نجومه‌نی ئابووری و کۆمەڵایەتیی نەتەوەیەکگرتووەکان، ٢٩ ئەندام لە بەرژەوەندی بڕیارەکە دەنگیان دا و هەشت وڵات کە روسیا و چین لە نێویاندابوو لە دژی بڕیارەکە و ١٦ وڵاتیش دەنگیان نەدا.
تۆماس گرینفیڵد نوێنەری ئەمریکا لە نەتەوەیەکگرتووەکان، ئاماژەی بەوە کرد، بڕیارەکە وەڵامێکە بۆ ئەو بانگەوازانەی کە لە ژنانی ئێران و رێکخراوەکانی کۆمەڵگەی مەدەنییەوە پێیان گه‌یشتوون.
لەو بارەیەشەوە لویس چاربۆنۆوێ بەڕێوەبەری رێکخراوی چاودێریکردنی مافەکانی مرۆڤی سەر بە نەتەوەیەکگرتووەکان، وتی، "دەرکردنی ئێران لە کۆمسیۆنی ژنانی سەربە نەتەوەیەکگرتووەکان، هەنگاوێکی پێشوازی لێکراوە بە ئاڕاستەی لێپرسینەوە لە حكومه‌تی ئێران لەسەر مێژووی دوورودرێژی لە جیاکاری و توندوتیژی دژبە ژنان و منداڵانی کچدا." ئەم هەواڵە 202جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad