English | عربی | Kurdî دواهەواڵ
ڕاستەوخۆ  
 
سوپاسالاری عێراق گه‌یشته‌ كه‌ركووك
2022-12-19 [09:07 AM]

ZNA-هەولێر


سوپاسالاری عێراق بۆ لێكۆڵینه‌وه‌كردن له‌ كرده‌وه‌ تیرۆریستییه‌كه‌ی دوێنێی سنووری گوندی سەفرە لە نزیك زنجیرە چیای حەمرین گه‌یشته‌ كه‌ركووك.

ئه‌مڕۆ دووشه‌ممه‌ 19ـی كانوونی یه‌كه‌می 2022، عه‌بدولئه‌میر ره‌شید یاره‌ڵڵا، سوپاسالاری عێراق و قه‌یس خه‌له‌ف محه‌ممه‌داوی، جێگری به‌رپرسی ئۆپه‌راسیۆنه‌ هاوبه‌شه‌كانی عێراق گه‌یشتنه‌ پارێزگای كه‌ركووك بۆ لێكۆڵینه‌وه‌كردن له‌ كرده‌وه‌ تیرۆریستییه‌كه‌ی دوێنێی سنووری گوندی سەفرە لە نزیك زنجیرە چیای حەمرین له‌ سنووری كه‌ركووك.

 به‌گوێره‌ی میدیاكانی عێراق، سه‌ردانه‌كه‌ی سوپاسالار و جێگری به‌رپرسی ئۆپه‌راسیۆنه‌ هاوبه‌شه‌كانی عێراق له‌سه‌ر داوای محه‌ممه‌د شیاع سوودانی، سه‌رۆكوه‌زیرانی عێراق بووه‌.

ئه‌م سه‌ردانه‌ له‌ كاتێكدایه‌، دوێنێ یه‌كشه‌ممه‌ 18ـی كانوونی یه‌كه‌می 2022، لە نزیك گوندی سەفرەی سنوری شارەدێی رەشاد لە باشووری كەركووك لەكاتی تێپەڕبوونی كاروانێكی هێزەكانی پۆلیسی فیدراڵ بۆمبێكی چێندراو تەقییەوە و لەئاكامی تەقینەوەکدا نۆ پۆلیسی فیدراڵی گیانیان لەدەستدا و دوو کەسی دیكەش برینداربوون.

له‌لایه‌كی دیكه‌وه‌، له‌رێگه‌ی سۆشیال میدیای تایبه‌ت به‌ خۆیان، چه‌كدارانی داعش به‌رپرسیارێتی ته‌قینه‌وه‌كه‌یان له‌ئه‌ستۆگرت.

داعش ئاماژه‌ی به‌وه‌شكردووه‌، له‌ رێگه‌ی ته‌قاندنه‌وه‌ی بۆمبی چێندراوه‌وه، پاشان رووبەڕووبوونەوە له‌ رێگه‌ی چه‌ك و بۆمبی ده‌ستییه‌وه‌، چه‌كدارانیان هێرشیانكردووه‌ته‌ سه‌ر كاروانێكی پۆلیسی فیدراڵی.





ئەم هەواڵە 208جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad