 |
|
|||
ZNA – هەولێر میدیای فەرمیی سووریا رایدەگەیێنێت، شەوی رابردوو سوپای ئیسرائیل ناوچەیەکی دیمەشقی پایتەختی سووریای مووشەکباران کردووە. بەرەبەیانی ئەمڕۆ سێشەممە، 20ـ12-2022، میدیای فەرمی سووریا رایگەیاند، دەنگی ژمارەیەک "تەقینەوە لە دەوروبەری شاری دیمەشق بیستراون"، هاوکات، سەرچاوەیەکی سەربازیش رایگەیاند: "كاتژمێر 12:30 خولەكی نیوەشەو سوپای ئیسرائیل مووشەکبارانی ژمارەیەک خاڵی دەوروبەری شاری دیمەشقی کردووە." سەرچاوە سەربازییەکە بە میدیای فەرمی وڵاتەکەی راگەیاندووە کە "سیستەمی بەرگریی ئاسمانیمان هێرشی دەستدرێژیکارانیان بەرپەچداوەتەوە و ژمارەیەک مووشەکی خستووەتە خوارەوە." هەندێك لە سەرچاوە ناوخۆییەکان جەختیان لەوەكردەوە، هێرشەکان کۆگایەکی حزبوڵلایان کردووەتە ئامانج و بووەتە هۆی گیانلەدەستدانی دوو کەس. ئەم هەواڵە 223جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad