English | عربی | Kurdî دواهەواڵ
ڕاستەوخۆ  
 
رێكخراوی كۆچی نێوده‌وڵه‌تی:هه‌زاران خێزان له‌ 10 پارێزگای ناوه‌ڕاست و باشووری عێراق كۆچیان كردووه‌
2022-12-21 [06:46 AM]

ZNA-هەولێر


رێكخراوی كۆچی نێوده‌وڵه‌تی له‌ راپۆرتێكدا هۆشداری لە ئاواره‌بوونی هه‌زاران خێزانی عێراقی له‌ ناوچه‌كانیان به‌هۆی گۆڕانی كه‌شوهه‌واوه‌ ده‌دات و رایده‌گه‌یه‌نێت، زیاتر له‌ نیوه‌یان به‌هۆی نه‌مانی بژێوی ژیان و سه‌رچاوه‌ی داراییان، ‌كۆچ بۆ ناوچه‌كانی دیكه‌ی وڵات دەکەن.

رێكخراوه‌كه‌ ئاماژه‌یداوه‌، به‌پێی ئه‌و ئامارانه‌ی ده‌ستیان كه‌وتووه‌، نزیكه‌ی 10 هه‌زار و 464 خێزان له‌ 10 پارێزگای ناوه‌ڕاست و باشووری عێراق له ‌شوێنه‌كانیان كۆچیان كردووه‌ و هۆكاری سه‌ره‌كیش دیارده‌ی وشكه‌ساڵی و گۆڕانه‌كانی كه‌شوهه‌وا و کەمبوونەوەی ئاوە.

جیۆرجی جیگۆری، سه‌رۆكی نێرده‌ی رێكخراوی كۆچی نێوده‌وڵه‌تی له ‌عێراق، له‌و باره‌یه‌وه‌ رایده‌گه‌یه‌نێت، رێكخراوی كۆچی نێوده‌وڵه‌تی له‌ساڵی 2018ـە‌‌وه‌ چاودێری رووداوه‌كانی گۆڕانی كه‌شوهه‌وا له ‌ناوچه‌كانی ناوه‌ڕاست و باشووری عێراق ده‌كات و بۆیان ده‌ركه‌وتووه‌، گۆڕانی كه‌شوهه‌وا كاریگه‌رییه‌كانی هێنده‌ به‌هێزن کە بووەتە هۆکاری کۆچکردن. ئەو هۆشداریشدەدات، ئه‌گه‌ر ئه‌م گۆڕانه‌ ژینگه‌ییانه‌ زیاتربن، ئه‌وا رێژه‌ی كۆچی دانیشتووان زیاتر به‌رزده‌بێته‌وه‌.

لە راپۆرتەکەدا هاتووە، وشکەساڵی و كه‌مبوونه‌وه‌ی ئاو، راسته‌وخۆ كاریگه‌ری لەسەر کەرتی کشتوکاڵ دروستكردووه و وایكردووه‌ زۆرێک لەو خێزانانە نه‌توانن سەرچاوەیەکی پێویست و بژێوی ژیانیان لە ناوچە گوندنشینەکاندا هه‌بێت، هەر بۆیەش ئەو خەڵکانە بۆ ناوەندی شارەکان کۆچ دەکەن و بەدوای هەلی کار و بژێویی ژیانیاندا دەگەڕێن.

رێكخراوه‌كه‌ له‌ توێژینه‌وه‌یه‌كدا كه‌ له ‌ساڵی 2021 ئه‌نجامیداوه‌ ده‌ڵێت، زیاتر له‌ نیوه‌ی ئه‌و خێزانانه‌ی كۆچیان كردووه‌ خه‌ڵكی به‌سره‌ن و ناتوانن خواردنی رۆژانه‌ و پێداویستییه‌ بنه‌ڕه‌تیه‌كانیان دابین بكه‌ن. هه‌روه‌ها 53%ـی خێزانه‌كان هیچ گره‌نتیه‌كی داراییان نییه‌ و ده‌رفه‌تی كار و پشتیوانی بۆ زه‌وییه‌كانیان به‌دی ناكه‌ن.

به‌گوته‌ی جیۆرجی جیگۆری، رێکخراوی كۆچی نێوده‌وڵه‌تی و عێراق هەوڵەکانیان بۆ کەمکردنەوەی مەترسییە کارەساتبارەکان و چارەسەرکردنی ئاستەنگەکانی پەیوەست بە ئاوارەبوون یان شەپۆلی نائاسایی کۆچکردن کە لە ئەنجامی تێکچوونی ژینگە و کەمیی ئاوەوە دروست دەبێت، خستۆته‌گه‌ڕ به‌ به‌رنامه‌یه‌كی درێژخایه‌ن و پشتیوانیی هەمەلایەنە، كار بۆ كه‌مكردنه‌وه‌ی كاریگه‌رییه‌كانی گۆڕانی كه‌شوهه‌وا ده‌كه‌ن.





ئەم هەواڵە 169جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad