English | عربی | Kurdî دواهەواڵ
ڕاستەوخۆ  
 
بانکی ناوەندی دۆلاری زیاتر دەخاتە بازاڕەوە
2022-12-25 [08:17 AM]

ZNA-هەولێر


بانکی ناوەندی ئەمڕۆ شەممە 24ـی 12ـی 2022 ڕایگەیاند، سێ بانک ڕاسپێردراون بۆ ئاڵوگۆڕکردنی ڕاستەوخۆی دۆلار، ئەمەش وەک ڕێکارێک بۆ خستنەڕووی زیاتری دۆلار.

ئیحسان شەمران یاسری ڕاوێژكاری بانكی ناوەندی بە ئاژانسی هەواڵی عێراقی ڕاگەیاند: بانكەكانی ڕافیدەین، ڕەشید و پیشەسازی وەک بانكە حكوومیەكان ڕاسپێردراون بۆ پاراستنی دراوی بیانی بۆ خەڵک، بە مەبەستی جۆراوجۆر وەک گەشتیاری، خوێندن و چارەسەری پزیشكی بواری دیکە.

ڕاشیگەیاند: لەگەڵ ئەو سێ بانكەدا ڕێككەوتوون كە بۆ هەڵگرانی كارتی ماستەر و ڤیزاكارت و ئەو کەسانەی هەژماریان لەو بانكانەدا هەیە، دۆلار لە 1-10 هەزار دۆلار بە نرخی 1470 بۆ خەڵک، هەروەها دۆلار بە نرخی 1465 بە گەشتیارەكان بفرۆشرێت.

ئەوەشی خستەڕوو کە خاوەن كارتەكان دەتوانن لە دەرەوەی عێراق بەكاری بهێنن بۆ فرۆشتن یان كشاندنەوەی پارە لە دراوی ئەو وڵاتەی كە بۆی خەرج دەكەن.

ئیحسان شەمران یاسری باسی لەوەش کردووە کە ئەو كەسانەی هەژماری بانكییان نییە و كارتی هەر سێ بانكەكەیان نییە دەتوانن هەژمارێكی تێدا بكەنەوە و كارتەكە دەربكەن، تاوەکو كڕیار ئەو بڕەی كە پێویستییەتی تاوەکو 10 هەزار دۆلار بگوازێتەوە سەر هەژمارەکەی.

ڕاوێژكاری بانكی ناوەندی ئاماژەی بەوەش دا کە ئەم شێواز و ڕێوشوێنانە بەشداری لە زیادكردنی خستنەرووی دۆلار دەكەن، چونکە بانک ڕۆژانە دۆلار بە ڕاستەوخۆ دەفرۆشێت بە بانكەكان و كۆمپانیاكانی ئاڵوگۆڕكردن، هەروەها دابینكردنی پێداویستی گەشتیارەكان بۆ بەدەستهێنانی دۆلار بە شێوەیەكی سادە و هەرزانتر لە بازاڕ. ڕوونیشی کردەوە كە پڕۆسەی پێدانی دۆلار لە كارتدا سەلامەتە. 





ئەم هەواڵە 199جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad