|
 |
|
|||
ZNA- هەولێر ئۆکرانیا داوای لەناوبردنی کارگە و کۆمپانیاکانی دروستکردنی درۆن و مووشەکی ئێرانی دەکات.میخایلۆ پۆدۆلیاک راوێژکاری سەرۆکی ئۆکرانیا رایگەیاند، ئێران لە پلانیدایە هاوکارییە سەربازییەکانی بۆ رووسیا زیاتر بکات و مووشەک و درۆنی زیاتر بۆ مۆسکۆ بنێرێت، ئەوەش پێشێلکاری و شەرمەزارکردنی یاسا نێودەوڵەتییەکانە. راوێژکاری سەرۆکی ئۆکرانیا دەلێت، گرنگە سزاو رێکاری قورستر بگیردرێنەبەر و هەموو ئەو کۆمپانیا و دامەزراوانەی لە ئێران درۆن و مووشەک دروستدەکەن لەناوببرێن و دەست بەسەر ئەو چەکانەشدا بگیردرێت دەیاننێرێتە دەرەوە. ئۆکرانیا بەردەوام تاران بە ناردنی درۆن و مووشەک بۆ مۆسکۆ تۆمەتبار دەکات و پێشتر ئاماژەی بەوەدا، ئێران 1700 درۆنی جۆری شاهید-136ی داوەتە رووسیا و ئێرانیش بەردەوام رەتیدەکاتەوە درۆن و مووشەکی دابێتە رووسیا. ئەم هەواڵە 196جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad