English | عربی | Kurdî دواهەواڵ
ڕاستەوخۆ  
 
یه‌كێتی ئه‌وروپا چوار ملیۆن یۆرۆ بۆ عێراق ته‌رخانده‌كات
2022-12-26 [11:29 AM]

ZNA-هەولێر


 

یه‌كێتی ئه‌وروپا رایده‌گه‌یه‌نێت، بڕیاریداوه‌ بڕی چوار ملیۆن یۆرۆ بۆ هاوكاریكردنی چینی هه‌ژار و كه‌مده‌رامه‌ت له‌ عێراق ته‌رخانبكات و ده‌ڵێت، "ئاواره‌كانی عێراق رووبه‌ڕووی كاریگه‌رییه‌كانی تێكچوونی ئاسایشی خۆراك بوونه‌ته‌وه‌".

پێگه‌ی فه‌رمی یه‌كێتی ئه‌ورووپا بڵاویكردووه‌ته‌وه‌، بەرزبوونەوەی نرخی خۆراک و نەبوونی سەقامگیری سیاسی، گۆڕانی کەشوهەوا و وشکەساڵی، دۆخی ژیانی خه‌ڵكی عێراق خراپكردووه‌ و به‌شی زۆریان توانای دابینكردنی پێداویستییە سەرەتاییەکانیان نییه‌.

پێگه‌كه‌ ئاماژه‌ی به‌وه‌داوه‌، ئاواره‌كانی عێراق رووبه‌ڕووی كاریگه‌رییه‌كانی تێكچوونی ئاسایشی خۆراك بوونه‌ته‌وه، بۆ ئه‌م مه‌به‌سته‌ش یه‌كێتی ئه‌ورووپا بڕیاریداوه‌ بڕی چوار ملیۆن یۆرۆ بۆ هاوكاریكردنی چینی هه‌ژار و كه‌مده‌رامه‌ت ته‌رخان بكات.

لە ڕاگەیەندراوەکەدا ئاماژە بەوە کراوە ئەو پارەیە پێداویستییە سەرەتاییەکان بۆ نزیکەی چوار هەزار ئاوارە لە ناوخۆی عێراق دابین دەکات، ئەمە جگە لە دابینکردنی هاوکاری بۆ نزیکەی هەزار خێزانی دیکە کە ئەندامەکانیان بەدەست نه‌خۆشییه‌وه‌ ده‌ناڵێنن.





ئەم هەواڵە 229جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad