2022-12-26 [02:12 AM]

خەڵەفان نەخۆشیەکی ئۆرگانی یان بڵێین ئەندامییە کە توشی مێشکی مرۆڤ دەبێت، واتە دەرونی نیە بەڵکو نەخۆشییەکی ماددی جەستەییە، لە ئەنجامدا ئەو کەسە ژیربیرکردنەوە لەدەست دەدات، لە قسەو ئاکارەکانی دا مەنتیق نامێنێت و ڕەفتاری کۆمەڵایەتی نەخوازراو دەبێت.

... هۆکارگەلێک ئەو نەخۆشییە پەیدا دەکەن، لەوانە شەکرەیە، ئەگەر شەکرە چارەسەر نەکرێت، ئەگەر پشت گوێ بخرێت ئەگەر هەمیشە لەسەروی دوسەد و پەنجا بێت ئەوا ئەگەری توش بون بە خەڵەفانی هەیە،.

لە ڕێنماییەکانی ڕێکخراوی شەکرەی ئەمریکی ساڵی 2022 هاتووە کە ... (هەر نەخۆشێکی شەکرە تەمەنی گەیشتە شەست و پێنج ساڵ دەبێ هەڵسەنگاندنی مێشکی بۆ بکرێت کە ئایا خەڵەفانی هەیە یان نا ) بێ گومان ئەگەر هەیبێت چارەسەریەکەی جیاوازە،. هەروەها لەهەمان سەرچاوە دا هاتووە کە (نەخۆشی شەکرەداری خەڵەفان گرتو پێویستە بە جیاوازی چارەسەر بکرێت، بەوئاڕاستەیەی کە شەکرەی دانەبەزێت، چونکە شەکرە دابەزین لەو نەخۆشانە ئاسەواری خراپترە).

هۆکاری دیکەیش شان بەشانی شەکرە دەبنەهۆی خەڵەفان لە شەکرەدار، لەوانە بەرزی پەستانی خوێن، بەرزی ڕێژەی چەوری ناو خوێن و کەمی هەندێک ڤیتامین..

پێویستە بگوترێت کە هەروەکو دەردە دەمار و دەردە چاو و دەردە گورچیلە کە لە ئەنجامی شەکرە ڕودەدەن، خەڵەفانیش بە یەک لە ماکە درێژخایەنەکانی شەکرە هەژمار دەکرێت، .

. بێ گومان ئەگەر ئەو کەسە شەکرەی کۆنترۆڵ نەکات و بەدواداچونی بۆ نەکات، باشترێن ڕێچارەو خۆپارێزیش ستایلی ژیانی تەندروستە ، کێش دابەزاندن و وەرزشی ڕۆژانە، لەگەڵ بەکارهێنانی دەرمانەکانی شەکرەو زەخت و چەوری و پابەند بونی تەندروستی...