English | عربی | Kurdî دواهەواڵ
ڕاستەوخۆ  
 
فەڵەستین ئاماری كوشتن و گرتن و رووخاندنی باڵەخانەكانی لەلایەن ئیسرائیلەوە ئاشكرا دەكات
2022-12-28 [10:15 AM]

​ZNA – هەولێر


سەرۆکوەزیرانی فەڵەستین، محەمەد ئیشیتییە رایگەیاند، ئیسرائیل لە ساڵی 2022 دا زیاتر لە 220 فەڵەستینی کوشتووە و 832 باڵەخانەی رووخاندووە.

لە کۆبوونەوەی هەفتانەی ئەنجوومەنی وەزیراندا، محەمەد ئیشیتییە، لەبارەی پێشلکاری و پەلامارەکانی ئیسرائیل لەم ساڵدا بۆسەر فەڵەستین رایگەیاند: "ئەمساڵ ساڵێکی پڕ لە ناخۆشی بوو و زیاتر لە 220 شەهیدمان داوە، زیاتر لە نۆ هەزار کەسمان لێ بریندار کراوە و شەش هەزار و 500 کەسمان لێ دەستبەسەر کراوە، هەر لەم ساڵدا ئیسرائیل 832 باڵەخانەی فەڵەستینییەکانی رووخاندووە و 13 هەزار دار زەیتونیشی دەرکێشاوە".

محەمەد ئیشیتییە، ئاماژەی بەوە دا کە فەڵەستینییەکان بەرامبەر ئەم پەلامارانە بوێری خۆیان نیشان داوە و بەرەنگاری هەر جۆرە پێشێلکارییەک دەبنەوە کە دەکرێتە سەر خاکی فەڵەستین و بە لەخۆبردووییانەیش پڕۆژەی رزگاری نیشتمانیی دەپارێزن.

ناوبراو ئاماژەی بەوەیش دا کە رێژەی بێکاری لە کەرتی غەززە بەهۆی گەمارۆدان و دابڕاندنییەوە گەیشتووەتە لەسەدا 46.6 ، داوای لە وڵاتانی عەرەبی و کۆمەڵگای نێودەوڵەتیی کرد بۆ تێپەڕاندنی ئەم قۆناغە سەختە بەردەوام بن لە رەوانەکردنی هاوکارییەکانیان بۆ فەڵەستینییەکان.

 





ئەم هەواڵە 166جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad