English | عربی | Kurdî دواهەواڵ
ڕاستەوخۆ  
 
نەتەوە یەکگرتووەکان داوایه‌ك لە تاڵیبان دەکات
2022-12-28 [10:29 AM]

ZNA - هه‌ولێر


سەرۆکی ڕێکخراوی مافەکانی مرۆڤی نەتەوە یەکگرتووەکان دەڵێت تاڵیبان دەبێت دەستبەجێ سیاسەتەکانی دژ بە کچان و ژنانی ئەفغانستان هەڵبوەشێنێتەوە، هاوکات سەرکۆنەی " دەرەنجامە خراپەکانی " ئەو سیاسەتانەی تاڵیبانی کرد.

کۆمسیاری باڵای مافەکانی مرۆڤی نەتەوە یەکگرتووەکان ڤۆڵکەر تورک لە بەیاننامەیەکدا وتی " هەر وڵاتێک ئەگەر نیوەی دانیشتوانەکەی دووربخاتەوە ناتوانێت لە ڕووی کۆمەڵایەتی و ژیان و ئابوورییەوە پەرەبسەنێت."

وتیشی " ئەم کۆتوبەندە ناتەواوانە کە سەپێندراون بەسەر ژنان و کچاندا نەک تەنها ئازاری سەرجەم ئەفغانییەکان زیاتر دەکەن، بەڵکو دەترسم مەترسیی لەسەر دەرەوەی سنوورەکانی ئەفغانستانیش هەبێت."

وتیشی ئەو سیاسەتانە کۆمەڵگەی ئەفغانی ناسەقامگیر دەکات.

ئاماژەشی بەوەدا " داوا لە دەسەڵاتدارانی وڵاتەکە دەکەم دڵنیا ببنەوە لەوەی ڕێزگرتن لە کچان و ژنان و پاراستنیان ببیندرێن و ببیسترێن، هەروەها بەشدارییان پێبکرێت و یارمەتیدەر بن لە سەرجەم بوارەکانی ژیانی کۆمەڵایەتی و ئابووری و سیاسی وڵاتەکەدا."

ڕۆژی شەممە دەسەڵاتدارانی تاڵیبان کارکردنی کارمەندانی ژنییان لە ڕێکخراوە ناحکومییە ناوخۆیی و نێودەوڵەتییەکانی ناو ئەفغانستان قەدەغە کرد. پێشتریش خوێندنی ژنانی لە زانکۆکان و خوێندنی ئامادەیی بۆ کچان قەدەغە کردووە.

کۆمسیاری باڵای مافەکانی مرۆڤ وتی " ئەم بڕیارە نوێیە لەلایەن دەسەڵاتدارانەوە دەرەنجامێکی زۆر خراپی دەبێت لەسەر ژنان و سەرجەم خەڵکی ئەفغانستان."

وتیشی " قەدەغەکردنی کارکردنی ژنان لە ڕێکخراوە ناحکومییەکاندا مافی بە دەستهێنانی داهات بۆ خۆیان و خێزانییان لێدەسەنێتەوە، هەروەها مافی کارکردنییان بۆ پەرەدان بە وڵاتەکەیان و باشبوونی هاوڵاتیانی وڵاتەکە لێدەسەنێتەوە."

ئەوەشی خستەڕوو قەدەغەکردنەکە " بە شێوەیەکی بەرچاو توانای ڕێکخراوە ناحکومییەکان بۆ دابینکردنی خزمەتگوزارییە سەرەکییەکان پەکدەخات." وتیشی لە کاتێکدایە کە ئەفغانستان ڕووبەڕووی وەرزی زستان بۆتەوە و لەم کاتەشدا پێویستییەکان بۆ یارمەتییە مرۆییەکان لە بەرزترین ئاستدان.

ڕۆژی یەکشەممە چەند ڕێکخراوێکی ناحکومی ڕایانگەیاند کارە مرۆییەکانیان لە ئەفغانستان ڕادەگرن.

 

voa





ئەم هەواڵە 190جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad