English | عربی | Kurdî دواهەواڵ
ڕاستەوخۆ  
 
ئیسرائیل: ڕەنگە لە دوو ساڵی داهاتوودا هێرش بکه‌ینه‌ سەر ئێران
2022-12-29 [08:43 AM]

ZNA - هه‌ولێر


 

وەزیری بەرگری ئیسڕائیل بێنی گانتز دەڵێت ئیسڕائیل ڕەنگە لە دوو یاخود سێ ساڵی داهاتوودا هێرش بکاتە سەر شوێنە ئەتۆمییەکانی ئێران.

وەزیری بەرگری ئیسڕائیل بێنی گانتز لە وتارێکدا بە کۆمەڵێک دەرچووانی هێزی ئاسمانی وڵاتەکەی وت " ڕەنگە دوو بۆ سێ ساڵی دیکە ئێوە ئاسمانەکان بەرەو ڕۆژهەڵات تێپەڕێنن بۆ بەشداریکردن لە هێرشێکدا بۆ سەر شوێنە ئەتۆمییەکان لە ئێران."

هاوکاتی چەق بەستوویی گفتوگۆ نێودەوڵەتییەکان بۆ دووبارە زیندووکردنەوەی ڕێککەوتنە ئەتۆمییەکەی ساڵی 2015 ی نێوان ئێران و زلهێزەکانی جیهان، ئێرانییەکان پیتاندنی یۆرانیۆمییان زیاتر کردووە. پیتاندنی یۆرانیۆم بۆ مەبەستی مەدەنی بەکاردێت بەڵام لە هەمان کاتیشدا دەتوانرێت ببێتە سووتەمەنی بۆمبی ئەتۆمی، ئەمەش سەرەڕای ئەوەی ئێران ڕەتی دەکاتەوە بۆ دروستکردنی بۆمبی ئەتۆمی بێت.

شارەزایان دەڵێن ئەگەرێکی زۆری هەیە ئێران لە ماوەیەکی کورتدا بێگەردی پارچەی یۆرانیۆمەکەی بەرز بکاتەوە بۆ ئاستی سەربازی. بەڵام دروستکردنی کڵاوەیەکی ئەتۆمی چەندین ساڵی دەوێت.

زیاتر لە 10 ساڵە ئیسڕائیل هەڕەشەی هێرشکردنە سەر دامەزراوە ئەتۆمییەکانی ئێران دەکات ئەگەر هەوڵە دیبلۆماسییەکانی زلهێزەکانی جیهان لەگەڵ ئێراندا شکست بهێنن. بەڵام هەندێک لە شارەزایان گومانییان هەیە لەوەی ئیسڕائیل ئەو توانا سەربازییەی هەبێت کە زیانێکی هەمیشەیی بگەیەنێت بە ئامانجە ئێرانییەکان کە دوورن و بڵاون و بە باشی پارێزراون.

ڕۆژنامەی هایۆمی ئیسڕائیل ڕۆژی یەکشەممە بڵاویکردەوە " بەپێی پێشبینییەکانی هەواڵگری ئیسڕائیل بۆ 2023، ئێران بەردەوام دەبێت لە ئاڕاستەکەی ئێستای کە بە خاوی بەرەوپێشەوە دەڕوات " لە بەرنامە ئەتۆمییەکەیدا.

ڕۆژنامەکە لە ڕاپۆرتەکەدا دەڵێت " ئێران تەنها لە کاتێکدا سیاسەتەکانی دەگۆڕێت کاتێک کە سزایەکی زۆر قورسی بەسەردا بسەپێندرێت، ئەو کاتە ڕەنگە بڕیار بدات لەسەر خێراکردنی پیتاندنی یۆرانیۆم بۆ ئاستێکی سەربازیی." وتەبێژێکی سەربازیی ئیسڕائیل ڕاپۆرتەکەی پشتڕاست کردەوە کە لە هەڵسەنگاندنەکانی هەواڵگرییەوە سەرچاوەی گرتووە.

تاوەکو ئێستا ئیسڕائیل هەبوونی چەکی ئەتۆمی پشتڕاست نەکردۆتەوە و ڕەتیشی نەکردۆتەوە، بەڵام توێژەرەوان دەڵێن ئیسڕائیل چەکی ئەتۆمی هەیە و سەرەتا لە ساڵی 1966 دا دەستی کەوتووە.

 

voa





ئەم هەواڵە 148جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad