English | عربی | Kurdî دواهەواڵ
ڕاستەوخۆ  
 
تورکیا و سوریا و روسیا لەسەر ئەوە ڕێکەوتن هێزەکانی تورکیا بکێشێتەوە لەسوریا
2022-12-31 [10:18 AM]

ZNA - هه‌ولێر


میدیای فەرمی حکومەتی سوریا بڵاویکردەوە، لە کۆبوونەوە سێ قۆڵیەکەی نێوان دیمەشق و مۆسکۆ و ئەنقەرە، رێککەوتن کراوە لەسەر کشانەوەی هێزەکانی تورکیا لە سوریا و کردنەوەی رێگای ئێم چواری نێودەوڵەتی.

رۆژنامەی وەتەنی سووری ڕایگەیاند: له‌ كۆبوونه‌وه‌کەدا، سەرجەم لایەنەکان، جەختیان لەوە کردووەتەوە، کە پێویستە تورکیا، هێزەکانی لە سوریا بکشێنێتەوە و رێز لە سەروەریی خاکی ئەو وڵاتە بگرێت.

ڕۆژنامەکە ئەوەشی ڕاگەیاند، تورکیا، رووسیا و سووریا رێککەوتوون له‌سه‌ر كردنه‌وه‌ی رێگه‌ی نێوده‌وڵه‌تی ئێم چوار.

هه‌ر به‌گوێره‌ی زانیارییه‌كانی رۆژنامه‌ی وه‌ته‌نی سووری، لیژنەیەکی پسپۆڕیان پێکهێناوە و لە ماوەی داهاتووشدا بۆ لێکتێگەشتنی زیاتر کۆبوونەوەی دیکە ئه‌نجامده‌ده‌ن.

هاوکات ئەنجوومەنی سووریای دیموکرات - مەسەدە لەبارەی کۆبوونەوەی سێقۆڵیی وەزیرانی بەرگریی تورکیا، سووریا و رووسیا لە مۆسکۆ لە راگەیەندراوێکدا ئاماژەى بۆ ئەوە کردووە، لە کۆبوونەوەکە و ئەنجامەکانی بەگومانن و داوا لە خەڵکی سووریاش دەکەن رێککەوتنەکان رەتبکەنەوە.

ئەمەش لە کاتێکدایە، 28 ی ئەم مانگە هەریەک لە وەزیرانی بەرگری سوریا و تورکیا و ڕوسیا لە پایتەختی ڕوسیا کۆبوونەوە و تێیدا جەخت لە چارەسەرکردنی کێشە ناوخۆییەکانی سوریا کرا.





ئەم هەواڵە 220جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad