English | عربی | Kurdî دواهەواڵ
ڕاستەوخۆ  
 
ناتۆ داوای چەکی زیاتر بۆ ئۆکرانیا دەکات
2022-12-31 [10:41 AM]

ZNA - هه‌ولێر


 

بەگوێرەی چاوپێکەوتنێک کە ڕۆژی هەینی بڵاوکرایەوە، ینس ستۆڵتنبێرگ، سکرتێری گشتیی ناتۆ داوای لە وڵاتانی ئەندامی ناتۆ کرد چەکی زیاتر بۆ ئۆکرانیا دابین بکەن.

ستۆڵتنبێرگ بە ئاژانسی هەواڵی ئەڵمانی دی پی ئە ی (DPA) ی وتووە "داوا لە هاوپەیمانان دەکەم زیاتر کار بکەن، تا لە هەموو بەرژەوەندییە ئەمنییەکانمانە دڵنیابین لە سەرکەوتنی ئۆکرانیا و ڤلادیمێر پوتن سەرۆکی ڕووسیا سەرکەوتن بەدەست نەهێنێت".

ئاماژەی بەوەشکرد کە پێویستی بە تەقەمەنی و پارچەی یەدەگ "زۆرە".

هەفتەی ڕابردوو، ڤۆلۆدیمیر زێلێنسکی، سەرۆکی ئۆکرانیا لە وتارێکدا بۆ کۆمەڵێک سەرکردەی ڕۆژئاوا داوای کرد کە کۆمەڵێک چەک و سیستەمی بەرگری ئاسمانی بەرفراوانیان پێبدرێت بۆ یارمەتیدانی هەوڵەکان بۆ بەرەنگاربوونەوەی لەشکرکێشی ڕووسیا.

هەروەها ئەمەریکا هەفتەی ڕابردوو نزیکەی دوو ملیار دۆلاری هاوکاری سەربازی زیادەی ڕاگەیاند، لەوانە سیستەمی بەرگری ئاسمانی پاتریۆت کە پارێزگاری لە فڕۆکە و موشەکی کروز و بالستیک پێشکەش دەکات.

ستۆڵتنبێرگ، بە دی پی ئە ی (DPA) ی ڕاگەیاندووە، پشتیوانی سەربازی بۆ ئۆکرانیا خێراترین ڕێگەی ئاشتییە.

ئۆکرانیا و هاوپەیمانە ڕۆژئاواییەکانی ئەم کارەی ڕووسیایان بە دەستبەسەرداگرتنی زەوی ناودەبەن و سزایان سەپاندوە بۆ ئەوەی هەوڵی پەکخستنی هەڵمەتەکەی بدەن.

شەڕی 11 مانگە دەیان هەزار کەسی کوشتووە و ملیۆنان کەسی لە ماڵەکانیان دەربەدەر و شارەکانی وێران کردووە و ئابووری جیهانی هەژاندووە و نرخی وزە و خۆراکی بەرزکردووەتەوە.

 

voa





ئەم هەواڵە 193جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad