English | عربی | Kurdî دواهەواڵ
ڕاستەوخۆ  
 
ئەمشەو دەگات.. وردەکاری گەیشتن و ناساندنی کریستیانۆ بزانە
2023-01-02 [11:38 AM]

ZNA - هەولێر


ئەمشەو کۆتایی بە چاوەڕوانیی سعودییەکان دێت، جیهان سەرنجی لە ریازی پایتەختی ئەو وڵاتە دەبێت، کاتێک کریستیانۆ رۆناڵدۆ، ئەستێرەی پۆرتوگالی و یاریزانی نوێی یانەی نەسر دەگاتە وڵاتەکە.

 

بەپێی هەواڵی میدیای سعودیە، کاژێر 23:00 بە کاتی باشووری کوردستان، کریستیانۆ رۆناڵدۆ بە فرۆکەیەکی تایبەت دەگاتە ریاز، دوای ئەوەی هەفتەی رابردوو لە مەدریدەوە کارەکانی پەیوەندیکردنی بە یانەی نەسری تەواوکرد و بڕیارییدا ئەزموونێکی نوێ لە ئاسیا و خولی سعودیەدا تاقیبکاتەوە.

 

کاتێک رۆناڵدۆ دەگاتە ریاز هەزاران هاندەری یانەی نەسر بە تایبەتی و تۆپی پێی سعودیە بەگشتی بۆ پێشوازیکردن لەو ئەستێرەیە جیهانییە ئامادەن، زۆرینەشیان بە درێسی ژمارە 7ـی نەسرەوە دەردەکەون، لەکاتێکدا بەر لە گەیشتنی رۆناڵدۆ ئەوان بەلێشاو چوونەتە فرۆشگەکانی تایبەت بە یانەکە و درێسی زەرد و شین یانەکەیان بە ناو و ژمارەی رۆناڵدۆوە بەدەستهێناوە.

 

میدیای سعودیە دەڵێت " لە 24 کاژێری یەکەمی راگەیاندنی گرێبەستی رۆناڵدۆدا، یانەی نەسر 5 هەزار درێسی رۆناڵدۆی فرۆشتووە، بەڵام بەپێی رۆژنامەی عەکازی سعودی، دوای 48 کاژێر لە راگەیاندنی گرێبەستەکە یانەی نەسر 240 ملیۆن ریالی سعودیی لە فرۆشتنی درێسەکانی رۆناڵدۆدا بەدەستهێناوە، کە دەگاتە 63 ملیۆن دۆلار

 

گرێبەستی رۆناڵدۆ دەرگای خێری زۆر بەرووی یانە سعودییەکە دەکاتەوە، لە ئینستاگرامدا پەیجی فەرمی یانەکە بەرەوپێشچوونێکی گەورەی بەخۆیەوە بینیوە، بەر لە گرێبەستی رۆناڵدۆ ئەوان خاوەنی 884 هەزار فۆڵۆوەرس بوون، ئێستا 6 ملیۆن فۆڵۆوەرسیان تێپەڕاندووە و بەردەوامیش لە زیادبووندایە.

 

رۆناڵدۆ رۆژی سێشەممە لە رێوڕەسمێکی گەورەدا لە یاریگەی مەرسوول پارکی تایبەت بە یانەی نەسر، بە میدیا و هاندەران دەناسێنرێت، ئەو یاریگەیە شوێنی 25 هەزار هاندەری تێدا دەبێتەوە و چاوەڕواندەکرێت پڕببێت لە هاندەر، کاتێک رۆناڵدۆ دەگاتە یاریگە و وەک یاریزانی یانەکە دەناسێنرێت.

 

میدیای سعودیە رێوڕەسمی ناساندنی کریستیانۆ رۆناڵدۆ وەک یاریزانی یانەی نەسر کاژێر 19:00ـی رۆژی سێشەممە دەبێت و 30 هەزار هاندەر ئامادەی رێوڕەسمەکە دەبن، ئەمڕۆ دووشەممەش بلیتەکانی ئەو رێوڕەسمە مێژووییەی یانە سعودییەکە دەخرێتە بەردەم هاندەرانی یانەکە.

 

کریستیانۆ رۆناڵدۆ بەپێی ئەو گرێبەستەی لەگەڵ یانەی نەسر هەیەتی، تاوەکو هاوینی 2025 لە یانەکە یارییدەکات و تاوەکو کۆتاییهاتنی وادەی گرێبەستەکەی نزیکەی نیو ملیار یۆرۆ وەک مووچە لە یانە سعودییەکە وەردەگرێت کە بۆ هەر وەرزێک مووچەکەی 200 ملیۆن یۆرۆیە.

 

رووداو





ئەم هەواڵە 187جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad