 |
|
|||
ZNA_ هەولێر
ئەمڕۆ ئافرەتێکی عومڕەکاری کورد بەناوی( نەغمە جمیل علی) لە سعوودیە کۆچی دوایی کرد. ئەو عومڕەکارە تەمەنی ٧٧ ساڵە و خەڵکی شاری هەولێرە دوێنی ئەو عومڕەکارە دوای نەخۆش کەوتنی بە هۆی گرفتی بە قۆڵۆنەوە ڕەوانەی نەخۆشخانە کراوە و شەو رۆژێک لە نەخۆشخانە ماوەتەوە و نەشتەرگەری بۆ کراوە بەداخەوە ئەمڕۆ کۆچی دوایی کرد و دوای وەرگرتنی ڕەزامەندی کەسوکارییان بڕیارە لە حەرەمی پیرۆزی مەککەی نوێژی لەسەر بکرێت و پاشان لە گورستانی مەککە بە خاک بسپێردرێت. شایانی باسە لە سەرەتای دەستپێکی وەرزی عومڕەوە تاوەکوو ئێستا حەوتەم عومڕەکاری کوردە لە سعوودیە کۆچی دواییان کردووە کە چوار پیاو و دوو ئافرەت بوونە. ئێمە لە بەڕێوەبەرایەتی گشتی حەج و عومڕەی کوردستان بەناوی بەڕێوەبەری گشتی حەج و عومڕەی هەرێمی کوردستان ( شێخ نیاز راغب نەقشبەندی ) و سەرجەم بەڕێوەبەر و فەرمانبەرانەوە سەرەخۆشی خۆمان ئاڕاستەی کەسوکاری ئەو عومڕەکارە دەکەین و داواکارین لە خوای گەورە جێگای بە بەهەشتی بەرین شاد بکات و سەبووریش بە کەسوکارەکەی بدات. " إِنَّا لِلّهِ وَإِنَّـا إِلَيْهِ رَاجِعونَ " |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad