English | عربی | Kurdî دواهەواڵ
ڕاستەوخۆ  
 
بەرپرسێكی بانکی ناوەندیی: یەدەگی بانكەكەمان 99 ملیار دۆلارە و لەماوەیەكی كەمدا دەگاتە 100 ملیار
2023-01-03 [09:26 AM]

ZNA – هەولێر


جێگری پارێزگاری بانکی ناوەندیی عێراق، رایگەیاند، یەدەگی بانکەکەیان لە دراوی بیانی زیادی کردووە و لەئێستادا، گەیشتووەتە 99 ملیار دۆلار، لە ماوەیەکی کەمدا، بەھۆی بەرزبوونەوەی نرخی نەوتەوە، دەگاتە 100 ملیار دۆلار.

عەممار حەمەد لە لێداونێکی رۆژنامەوانیدا رایگەیاند: رۆژی دووشەممە، بانکی ناوەندیی دەستی کردووە بە کارکردن بە سەکۆی ئەلیکترۆنی تایبەت بە بازرگانیی دەرەکی و کارکردن لەسەر ئەو سەکۆیە زیاتر لە ساڵێک و شەش مانگی بەردەوام بووە، ئەوەیش بە ئامانجی رێکخستنی پڕۆسەی حەواڵەکردنی دارایی لە دەرەوە و پاڵپشتیکردن لە بازرگانی دەرەکی.

ئەو گوتیشی: سەکۆی ئەلیکترۆنی، تاکە رێگایە بۆ پاڵپشتیکردن لە بازرگانی دەرەکیی و هەروەها، بانکە گشتیی و تایبەتەکان، زانیاری تەواویان لەسەر چۆنیەتی بەکارھێنانی سەکۆ ئەلیکترۆنییەکە ھەیە".

عەممار حەمەد، باسی لەوەش کردووە، لە رێگای سەکۆ ئەلیکترۆنییەکەوە لە بازرگانی دەرەکیی (بۆ مەبەستی کریدت یان حەواڵەکردنی بەڵگەنامەیی) بە نرخی فەرمی (1465) دینار بۆ دۆلارێک دیاریی کراوە و گوتی: "سەکۆ ئەلیکترۆنییەکە، دەرفەتەکی باشە بۆ بازرگانان، وەبەرھێنان و خاوەن کۆمپانیاکان، بۆ ئەوەی بتوانن پاڵپشتی دارایی بۆ کارەکانیان بەدەست بھێنن".

جێگری پارێزگاری بانکی ناوەندیی عێراق، عەممار حەمەد لەبارەی یەدەگی بانکەکەیان لە دراوی بیانی گوتی: "یەدەگی بانکەکەمان لە دراوی بیانی، زیادی کردووە و لەئێستادا، گەیشتووەتە ٩٩ ملیار دۆلار و لە ماوەیەکی کەمدا، بەھۆی بەرزبوونەوەی نرخی نەوتەوە، دەگاتە ١٠٠ ملیار دۆلار".

عەممار حەمەد جەختیشی کردەوە لەسەر ئەوەی کە بەرزبوونەوەی یەدەگی بانکی ناوەندیی لە دراوی بیانی، ئاماژەیەکی ئەرێنییە بۆ جێگیرکردنی نرخی دراوی بیانی بەرامبەربە دینار.

 





ئەم هەواڵە 325جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad