English | عربی | Kurdî دواهەواڵ
ڕاستەوخۆ  
 
دوای سێ ساڵ لە داخستنی، ئه‌مڕۆ وڵاتی چین سنوورەکانی كرده‌وه‌
2023-01-08 [12:46 PM]

ZNA - هه‌ولێر


 

چین رایگەیاند کە دوای سێ ساڵ لە داخستنی بەھۆی ڤایرۆسی کۆرۆناوە (COVID-19) لە ئەمڕۆ یەکشەممەوە، دووبارە سنوورەکانی دەکاتەوە.

لە ٢٦ی کانوونی یەکەمی ساڵی رابردوودا، دەسەڵاتدارانی چین رایانگەیاندوو کە لە ھەشتی مانگی کانوونی دووەمی ٢٠٢٣وە، دەستبەرداری ماوەی کەرەنتینەکردن دەبن و دووبارە سنوورەکان دەکەنەوە.

لیژنەی تەندروستیی نیشتمانیی چین لە راگەیەندراوێکدا ئاماژەی بەوەداوە کە نەخۆشییەکە لە چینی (A)وە دەگوازنەوە بۆ چینی (B)، ئەوەیش بەمانای ئەوەی کە (COVID-19)، تەنھا پێویستی بە چارەسەرکردن و گرتنبەری رێوشوێنی پێویست ھەیە بۆ بەرگرتن لە بڵاوبوونەوەی ڤایرۆسەکە.

راشیگەیاندووە کە ناوی (COVID-19)یان لە "ھەوکردنی سییەکان بەھۆی ڤایرۆسی کۆرۆنای نوێیەوە" گۆڕیوە بۆ "تووشبوون بە ڤایرۆسی کۆرۆنای نوێ".

چین لە ئەمڕۆ یەکشەممەوە، دەستبەرداری سەپاندنی ماوەی کەرەنتینەکردن دەبێت بەسەر تووشبووانی ڤایرۆسی کۆرۆنا، ھەروەھا ئەو کەسانەی کە سەردانی ئەو وڵاتە دەکەن، ئەوەیش بەپێی یاسا تەندروستییەکان.

چین کە لەسەر ئاستی جیھاندا، زۆرترین ژمارەی دانیشتوانی ھەیە لە مانگی رابردوودا، وازی لە سیاسەتی توندی ناسراو بە "سفر کۆڤید" ھێنا، ئەمەیش لە دوای ئەو گرژیی و ناڕەزایەتییانەی کە ژمارەیەک ناوچەی ئەو وڵاتەی گرتەوە.

لە مانگی ئاداری ٢٠٢٠ەوە ھەر کەسێک سەردانی چینی بکردایە، ئەوا بەناچاری لە دامەزراوەیەکی گشتییدا بۆ ماوەی سێ ھەفتە کەرەنتین دەکرا، بەڵام بەم دواییانە ماوەی کەرەنتینەکە کەم کرایەوە بۆ پێنج رۆژ.

 

AA

 





ئەم هەواڵە 112جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad