English | عربی | Kurdî دواهەواڵ
ڕاستەوخۆ  
 
لەماوەی ساڵێكدا گەشەی كەرتی گەشتیاریی نزیكەی ٣٥% زیادی كردووە
2023-01-09 [11:37 AM]

ZNA_ هەولێر


بوژانەوە و پێشخستنی كەرتی گەشتیاریی، یەكێكە لە ئامانجەكانی كابینەی نۆیەمی حكومەتی هەرێمی كوردستان، ساڵ بەساڵیش بەپێی دەرخستەی داتاكان لەبارەی بەرە و پێشچوون و رێژەی شوێنە گەشتیارییەكان و رێژەی گەشتیاران بۆ هەرێمی كوردستان، ئەو گەشە گەشتیارییە دەبینرێت.

 بۆ ساڵی ٢٠٢٢، كە تیایدا ٦ ملیۆن و ١٦٨ هەزار گەشتیار روویان لە هەرێمی كوردستان كردووە، بەراورد بە ساڵی ٢٠٢١، كە ٤ ملیۆن و ١٨٩ هەزار و ٥٦٩ گەشتیار هەبووە، دەردەكەوێت بە تێكڕایی ملیۆنێک و ٩٧٨ هەزار و ٤٣١ گەشتیار زیاتر لە ساڵی پێشتر سەردانی هەرێمی كوردستانیان كردووە.

ئاماری گەشتیاران بۆ ساڵی ٢٠٢٢ كە لەلایەن پارێزگاكانەوە ئاماژەی بۆ كراوە، بەپێ پارێزگاکانی هەرێمی کوردستان، و بەراورد بە ساڵێك پێشتر بەم شێوەیە بووە:

پاریزگای هەولێر، ٢ ملیۆن و ٧٥٢ هەزار گەشتیار.

پارێزگای سلێمانی، ٢ ملیۆن و ٥٤٥ هەزار و 156 گەشتیار

پارێزگای دهۆک، 2 ملیۆن و 340 هەزار گەشتیار

ئەمە لە كاتێكدایە بۆ ساڵی 2021 بەم شێوەیەی لای خوارەوە بووە:

هەولێر، 2 ملیۆن و 51 هەزار و 550 گەشتیار

سلێمانی، ملیۆنێك ز 501 هەزار و 881 گەشتیار

دهۆك 613 هەزار و 978 گەشتیار

گەرمیان، 22 هەزار و 160 گەشتیار

 

 لەبارەی تێكڕای ئاماری هاتنی گەشتیاران بۆ هەرێمی کوردستان بۆ ساڵی 2022، سیروان تۆفیق، بەڕێوەبەری بەبازاڕکردنی گەشتیاریی لە دەستەی گەشتوگوزاری کوردستان، بۆ پێگەی فەرمی حكومەتی هەرێمی كوردستان ئاماژەی بۆ ٦ ملیۆن و ١٦٨ هەزار گەشتیار كرد لەو ساڵەدا، لەكاتێكدا بەراورد بە ساڵی 2021 كە چوار ملیۆن و ١٨٩ هەزار و ٤٣١ گەشتیار بووە، دەریدەخات بۆ ساڵی 2022 ملیۆنێک و ٩٧٨ هەزار و ٤٣١ گەشتیار سەردانیكردنیان بۆ هەریمی كوردستان زیادی كردووە.

سیروان تۆفیق، ئاماژەی بۆ جیاوازی ئاماری تێكڕای گەشتیاران كە لای ئەوان تۆماركراون، لەگەڵ ئەو ڕێژەیەی پارێزگاكان ئاماژەی بۆ دەكەن كرد و گوتی، هەر پارێزگایەك تەنیا رێژەی گەشتیاری پارێزگاكەی خۆی تۆمار دەكات و لەكاتێكدا ئەو گەشتیارانە ئەگەری هەیە روو لە پارێزگایەكی تریش بكەن، بۆیە رێژەی تێكڕای گەشتیاران ئەوانەن هاتوونەتە سنووری هەرێمی كوردستان و ئەوەی پارێزگاكانیش بۆ ئەوانەن چونەتە ناو سنووری پارێزگایەكەوە.

هەروەها ساڵانە لەكاتی نزیك بوونەوەی سەری ساڵی زاینیی، گەشتیاران روو لە شارەكانی هەرێمی كوردستان دەكەن بۆ بەشداری لەو بۆنە و ئاهەنگانەی لەو بارەیەوە رێك دەخرێن، ئاماری گەشتیارانیش تەنیا بۆ سەری ساڵی نوێی 2023، بەم شێوەیە بووە:

هەولێر، ٦١ هەزار گەشتیار، سلێمانی، ٦٤ هەزار  و دهۆک، ٥٥ هەزار گەشتیار بووە.

09 کانوونی دووەم 2023





ئەم هەواڵە 262جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad