English | عربی | Kurdî دواهەواڵ
ڕاستەوخۆ  
 
پاپا ڤاتیكان: به‌هۆی چه‌كی ئه‌تۆمی مرۆڤایه‌تی و هه‌ساره‌ی زه‌وی له‌ لێواری له‌ناوچووندایه‌
2023-01-09 [04:53 AM]

ZNA-هەولێر


پاپا فڕه‌نسیس پاپای ڤاتیكان ئه‌مڕۆ دووشه‌م له‌ كاتی پێشكه‌شكردنی وتارێكدا جه‌ختی كرده‌وه‌ كه‌ تا ئێستا مه‌ترسییه‌كانی جه‌نگی ئه‌تۆمی ماوه‌ و به‌و هۆیه‌شه‌وه‌ كۆمه‌ڵگه‌ی مرۆڤایه‌تی و هه‌ساره‌ی زه‌وی له‌ لێواری نه‌مان و له‌ناوچووندایه‌.

پاپا فرانسیس ئه‌م وتانه‌ی ئه‌مڕۆ دووشه‌م له‌به‌رده‌م نوێنه‌ره‌ دبلۆماسییه‌كانی ڤاتیكان پێشكه‌شكرد و ڕایگه‌یاند: ئه‌مساڵ 60 ساڵه‌ی تێپه‌ڕ ده‌بێت به‌سه‌ر په‌یامه‌ ئاشتییه‌ جیهانییه‌كه‌ی پاپا یۆحه‌نای بیست و سێیه‌م به‌ناوی (ئاشتی له‌سه‌ر زه‌وی).

ڕاشیگه‌یاند: له‌ ساڵی 1962وه‌وه‌ ڕێك له‌كاتی دروستبوونی‌ قه‌یرانی مووشه‌كی كوبا تا ئێستا مه‌ترسییه‌كانی جه‌نگی ئه‌تۆمی بوونی هه‌ر ماوه‌، به‌داخه‌وه‌ ده‌ڵێم كه‌ كۆمه‌ڵگه‌ی مرۆڤایه‌تی و هه‌ساره‌ی زه‌وی به‌هۆی ئه‌م بۆمبه‌ ماڵوێرانییه‌ له‌ لێواری نه‌مان و له‌ناوچووندایه‌،‌ ئه‌گه‌ر وڵاته‌ زلهێزه‌كانی جیهان ده‌ست به‌ گفتوگۆ نه‌كه‌نه‌وه‌ و له‌سه‌ر له‌ناوبردن و پووچه‌ڵكردنه‌وه‌ی چه‌كه‌ ئه‌تۆمییه‌كانیان ڕێك نه‌كه‌ون، چونكه‌ له‌ ڕاستیدا خاوه‌ندارێتی و به‌كارهێنانی چه‌كی ئه‌تۆمی یه‌كێكه‌ له‌ كاره‌ هه‌ره‌ خراپ و بێ ڕه‌وشتییه‌كان‌.

پاپا فرانسیس داواشی له‌ وڵاتانی جیهان كرد بڕیارێكی دروست له‌سه‌ر به‌رنامه‌ی ئه‌تۆمی ئێران بده‌ن و به‌ زووترین كات هه‌وڵی وه‌ستاندنی بده‌ن.

له‌ به‌شێكی تری وتاره‌كه‌یدا باسی له‌ جه‌نگی ئێستای نێوان ڕووسیا و ئۆكراینای كرد كه‌ كاریگه‌ری خراپی له‌سه‌ر بابه‌تی خۆراك و سووته‌مه‌نی هه‌موو جیهان كردووه‌ و داواشی له‌ هه‌موولایه‌ك كرد چاره‌سه‌رێكی به‌په‌له‌ی بۆ بدۆزنه‌وه‌ و كۆتایی به‌م جه‌نگه‌ ماڵوێرانییه‌ بێنن.





ئەم هەواڵە 169جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad