 |
|
|||
ZNA – هەولێر ئاژانسەكانی روسیا رایانگەیاند، درەنگانی شەوی ڕابردوو سێشەممە، شاری سۆلیدار لەهەرێمی دۆنێتسك لەئۆكرانیا، كەوتە ژێر دەستی یەكەی (ڤاگنەر) ی سوپای روسیا . دینیس پۆشیلین، سەرۆكی هەرێمی دۆنێتسك، رایگەیاند: شاری سۆلیدار لەهەرێمی دۆنێتسك، كەوتە ژێر دەستی هێزەكانی روسیا. یفگینی بریگۆجین دامەزرێنەری كۆمپانیای ڤاگنەری سەربازی رایگەیاند: دوای شەڕو پێكدادانێكی قورس، یەكەی " ڤاگنەر" كۆنتڕۆڵی شاری سۆلیداریان كردووە. بریگۆجین گوتیشی: یەكەی ڤاگنەر یەكەیەكی سەربازی تایبەتە، كۆنتڕۆڵی تەواوەتی شاری سۆلیداری كردووە و ئەمڕۆش ژمارەی دیلەكان و كوژراوان ئاشكرا دەكرێت. هێزەكانی ئۆكرانیا چەند ڕۆژێكە شەڕ دەكەن بۆ ئەوەی شاری سۆلیدار لەژێر دەسەڵاتی خۆیان بهێلنەوە، بەڵام هێزەكانی روسیا لەگەڵ هێزەكانی ڤاگنەر و هێزەكانی هەرێمی دۆنێتسك بەشداری شەڕەكەیان كردووە تاوەكو شارەكەیان كۆنتڕۆڵ كردووە. س/سكای نیوز و/جەنگاوەر ئەم هەواڵە 118جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad