English | عربی | Kurdî دواهەواڵ
ڕاستەوخۆ  
 
ئەمەریکا بەمەرج F16 بە تورکیا دەفرۆشێت
2023-01-13 [10:08 AM]

ZNA_ هەولێر


 

ئەمەریکا ئه‌ندامێتی سوید و فینلەندا‌ی وه‌ك مه‌رج بۆ توركیا داناوه‌ ئه‌مه‌ش لە بەرامبەر فرۆشتنی فڕۆکەی جەنگی F16.

چەند بەرپرسێکی ئەمەریکا بۆ رۆژنامەی واڵ ستریت جۆرناڵ ئاشکرایانکرد، ئیدارەی جۆو بایدن داوا لە کۆنگرێس دەکات، بە بڕی 20 ملیار دۆلار رەزامەندی لەسەر فرۆشتنی فڕۆکەی جەنگی ئێف16 بە تورکیا بدات.

بەرپرسە ئەمەریکییەکان ئاشکرایانکردووه‌، داواکارییەکە 40 فڕۆکەی F16 لەخۆدەگرێت، بەڵام مەرجی کۆنگرێس بۆ فرۆشتنی فڕۆکەکان بە تورکیا، رەزامەندی ئەنقەرەیە بۆ ئەندامبوونی سوید و فینلەندا لە ناتۆ.

هەروەها داوا لە کۆنگرێس کراوە، بۆ فرۆشتنی 30 فڕۆکەی F35 بە یۆنان رەزامەندی لەسەر بدات.

دوای ماوەیەک لە دەستپێکردنی جەنگی نێوان ئۆکرانیا و رووسیا، هەردوو وڵاتی سوید و فینلەندا ویستی خۆیان بۆ چوونە نێو هاوپەیمانێتی ناتۆ دەربڕی و تورکیاش کە ئەندامی ئەو هاوپەیمانێتییەیە، رازی نەبووە بە هاتنی ئەو دوو وڵاتە بۆ نێو ناتۆ و رایگەیاند، تەنیا بە مەرج بە ئەندامبوونی سوید و فینلەندا لە ناتۆ رازی دەبێت.

بۆ ئەو مەبەستەش، لە مانگی حوزەیرانی 2022دا رێککەوتنێکی سێ لایەنە لەنێوان تورکیا، سوید و فینلەندا واژۆکراوە، لە چوارچێوەی ئەو رێککەوتنەدا تورکیا داوای لە سوید کردووە ژمارەیەک لەو کەسانەی بە تۆمەتی ئەندامبوون لە ریزەکانی پەکەکە و بزووتنەوەی فەتحوڵڵا گولەن داواکراون و لە سوید نیشتەجێن رادەستی تورکیا بکرێنەوە.





ئەم هەواڵە 175جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad