English | عربی | Kurdî دواهەواڵ
ڕاستەوخۆ  
 
دکتۆر عەلی قەرەداغی: وەرگرتنی دیاری لەلایەن پزیشکانەوە لە کۆمپانیاکانی دەرمان بەرتیلە و حەرامە
2023-01-14 [09:35 AM]

ZNA-هەولێر


دکتۆر عەلی قەرەداغی، ئەمینداری گشتی یەكێـتی جیهانی زانایانی مسوڵمان رایگەیاند، رێککەوتنی نێوان پزیشکان و کۆمپانیاکانی دەرمان و دەرمانخانەکان بۆ ساغکردنەوەی دەرمان حەرامە.

ئەمینداری گشتی یەكێـتی جیهانی زانایانی مسوڵمان لە پەڕەی فەرمی خۆی لە فەیسبووک چەند فەتوایەك دەربارەی دەرمانی پزیشكیی و ئەو پرسانەی پەیوەندیان پێیەوە هەیە راگەیاند، لەنێویاندا وەرگرتنی دیاری لەلایەن پزیشکانەوە لە کۆمپانیاکانی دەرمان بەرتیلە و حەرامە.

دکتۆر عەلی قەرەداغی ئەوەشی خستەڕوو، پێدانی دەرمانی ساختە بە نەخۆش حەرامە و لە شەرعدا ئەگەر ببێتە هۆی مردنی نەخۆش خوێنبایی دەکەوێتە ئەستۆ.

بە گوێرەی فەتوایەکی ئەمینداری گشتی یەكێـتی جیهانی زانایانی مسوڵمان، رێککەوتنی نێوان پزیشکان و کۆمپانیاکانی دەرمان و دەرمانخانەکان بۆ ساغکردنەوەی دەرمان حەرامە.

دکتۆر عەلی قەرەداغی راشیگەیاند، توندترین و گەورەترین پلەی حەrامی بریتییە لە رێککەوتن لەسەر رەواجدان لەسەر دەرمانی خراپ و ساختە و لەکارکەوتوو.

سەبارەت بە کڕین و فرۆشتنی دەرمان بە قیست، دکتۆر حەلی قەرەداغی باسی لەوەکرد، ئاساییە دەرمان بە قیست کڕین و فرۆشتنی پێبکرێت بە مەرجێک بە قازانجی ئاسایی و ماوەی دانەوەی قیستەکە دیاریکراوبێت.

ئەمینداری گشتی یەكێـتی جیهانی زانایانی مسوڵمان بە پێویستی دەزانێت هاوردەکردنی دەرمان لەژێر چاودێری تەندروستی حکومەتدا بێت و گوتیشی "قاچاغیکردن بە دەرمانەوە لە گوناهە گەورەکانە".





ئەم هەواڵە 280جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad