 |
|
|||
ZNA - هه‌ولێر بەمەبەستی پێداچوونەوەی سەرەتایی، وەزارەتی دەرەوەی ئەمریکا بڕیاری خۆی سەبارەت بە فرۆشتنی فڕۆکەی F-16ی بە تورکیا رەوانەی لیژنە پەیوەندیدارەکانی کۆنگرێس کرد. ئەو سەرچاوانەی بۆ ئاژانسی ئانادۆڵو دواون، باس لەوە دەکەن کە وەزارەتی دەرەوەی ئەمریکا بڕیاری خۆی سەبارەت بە فرۆشتنی فڕۆکەی F-16ی نوێ بە تورکیا و چاککردنەوەی ئەو فڕۆکە F-16ی ئێستا هەن، رەوانەی لیژنە پەیوەندیدارەکانی ئەنجوومەنی نوێنەران و ئەنجوومەنی پیران کردووە بەمەبەستی پێداچوونەوەی سەرەتایی. بەپێی سەرچاوەکان، وەزارەتی دەرەوەی ئەمریکا بڕیاری خۆی رەوانەی کۆنگرێس کردووە و چاوەڕوان دەکرێت هەفتەی داهاتوو بە فەرمی رابگەیەندرێت. لە ئەمریکا بۆ ئەوەی رەزامەندی بدرێت لەسەر فرۆشتنی پێداویستی سەربازیی بە ولاتان، نابێت کۆنگرێس لە ماوەی ١٥ رۆژدا بۆ وڵاتانی ئەندامی ناتۆ و ٣٠ رۆژ بۆ وڵاتانی دەرەوەی ناتۆ ناڕەزایەتی دەرببڕێت. ئەم هەواڵە 151جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad