English | عربی | Kurdî دواهەواڵ
ڕاستەوخۆ  
 
حكوومه‌تی هه‌رێم: بە جێبەجێکردنی پڕۆژەیەکی ستراتیژی کوردستان بە وڵاتانی عێراق و ئێران دەبەسترێتەوە
2023-01-14 [02:47 AM]

ZNA_ هەولێر


دروستکردن و بوونیادنانی ڕێگاوبان لە سەرجەم شار و شارۆچکەکانی هەرێمی کوردستان، یەکێکە لە کارە بەردەوامەکانی حکومەتی هەرێمی کوردستان، ئەمەش لەپێناو ئاسانکارییکردن بۆ هاتووچۆکردنی هاووڵاتییان و شۆفێران.

‎ئه‌مرۆ شه‌ممه‌ 14ى1ى 2023 فه‌رمانگه‌ی میدیا و زانیاری حكوومه‌تی هه‌رێمی كوردستان رایگه‌یاند: پڕۆژەی ڕێگای کەلار - دەربەندیخان، لە دوو قۆناخ پێکدێت و درێژییەکەی 65 کیلۆمەترە، بەتەواوبوونیی هەردوو قۆناخەکەش، ڕێگای کاتژمێرێک و 25خولەکی نێوان ئەو دوو شارە، دەبێتە 40 خولەک.

‎عەدنان خەلیل، بەڕێوەبەری رێگاوبانی گەرمیان، لەبارەی قۆناخی یەکەمی پڕۆژەکەوە بە فەرمانگەی میدیا و زانیاری ڕاگەیاند: قۆناخی یەکەمی پرۆژەکە، بە گوژمەی 46 ملیار دینار، بەدرێژایی 24 کیلۆمەتر و پانیی 17 مەتر، تەواوکراوە و خراوەتە خزمەت هاووڵاتییان و شۆفێران.

‎لەبارەی قۆناخی دووەمی پڕۆژەکەوە، بەڕێوەبەری رێگاوبانی گەرمیان، گوتی: “جێبەجێکردنی قۆناخی دووەمی پرۆژەکە بەردەوامە و 58٪ـی کارەکانی تەواوبووە، ئەم قۆناخە 41 کیلۆمەتر درێژە و گوژمەکەی 137 ملیار دینارە، 35 پردیشی تێدایە کە درێژیان بە چوون و هاتن، دەگاتە 5 کیلۆمەتر.

‎حکومەتی هەرێمی کوردستان، بە جێبەجێکردنی ئەو پڕۆژە ستراتیژییە لە سنووری ئیدارەی گەرمیان، هەرێمی کوردستان بە وڵاتانی عێراق و ئێران، دەبەستێتەوە.

 





ئەم هەواڵە 328جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad