English | عربی | Kurdî دواهەواڵ
ڕاستەوخۆ  
 
وەزیری ناوخۆی عێراق: سنووری عێراق هێڵی سوورە لەگەڵ هێزەكانی پێشمەرگە دەیپارێزین
2023-01-15 [07:23 AM]

ZNA – هەولێر


وەزیری ناوخۆی عێراق رایگەیاند، چەند بڕیارێکی نوێ بۆ پاراستنی سنووری عێراق هەیە كاری بنیادنانی باڵەخانە و بنکە و بورجی چاودێری تێدا دەكرێت، دەشڵێت، "سنوری عێراق هێڵی سوورە و بەهەماهەنگی لەگەڵ هێزەکانی پێشمەرگە دەیپارێزین."

 

عەبدولئەمیر شەمەری وەزیری ناوخۆی عێراق رایگەیاند، حکومەتی عێراق چەند رێکارێک دەگرێتە بەر بۆ کۆنتڕۆڵکردنی بنکە سنوورییەکان لەگەڵ ئێران و تورکیا و دەشڵێت، " سنووری عێراق هێڵی سوورە پشتگوێ ناخرێت."

شەمەری گوتیشی، چەند بڕیارێک هەیە بۆ توندکردنەوەی سنوور لەگەڵ ئێران و تورکیا و گرتنەبەری چەند رێکارێک بۆ رێکخستنەوەی ئەو سنوورانە، بۆ ئەو مەبەستەش چەند بڕە پارەیەک تەرخانکراوە بۆ بنیادنانی باڵەخانە و بنکە و دانانی کامێرا و بورجی چاودێری.

وەزیری ناوخۆی عێراق، ئەوەشی خستەڕوو، تورکیا 17 جێگای بۆ بنیادنانی بنکە بە درێژایی سنووری تورکیا دیاریکردووە و بە هەماهەنگی لەگەڵ لایەنی تورکیا دەست دەکەن بە زنجیرەی سنووری نێوان ئەو دوو وڵاتە سەرەڕای ئەوەی ناوچەیەکی بەرز و شاخاوییە.

ئەو روونیشی كردەوە:  سەبارەت بە سنووری سوریا دیوارێکی کۆنکرێتی لە شەنگال بە درێژی 65 کیلۆمەتر بنیاد دەنرێت و لە ئێستاشدا دەستکراوە بە بنیادنانی بورجێکی چاودێری و بەم زووانە کاری ئەمنی و چاودێری سنووری تێدا دەکرێت.

ئەوەشی ئاشکرا کرد، زیاتر لە شەش هەزار پۆلیس لە بنکە سنوورییەکانی ئێران و تورکیا لە هەرێمی کوردستان بوونیان هەیە و بە هەماهەنگی لەگەڵ هێزەکانی پێشمەرگە سنوری عێراق و هەرێم دەپارێزرێت.

 





ئەم هەواڵە 244جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad