English | عربی | Kurdî دواهەواڵ
ڕاستەوخۆ  
 
چین: لەبەرامبەر ئاشکرایی و ریسوایی تاڵانەکانی ئەمریکا لە سووریا تووشی سەرسوڕمان بووین
2023-01-18 [08:16 AM]

ZNA – هەولێر


گوتەبێژی وەزارەتی دەرەوەی چین رایگەیاند، سەربازانی ئەمریکا نەوت و دانەوێڵەیان لە سووریا بە قاچاغ بردووە و دەشڵێت، "لەبەرامبەر ئاشکرایی و ریسوایی تاڵانەکانی ئەمریکا لە سووریا تووشی سەرسوڕمان بووین".

ڤان ڤلبین گوتەبێژی وەزارەتی دەرەوەی چین لە کۆنگرەیەکی رۆژنامەوانییدا لە پەکین هەڵسەنگاندنی بۆ بانگەشەی گواستنەوەی 53 تانکەر نەوت لە رۆژی 14ی کانوونی دووەم لەلایەن سوپای ئەمریکاوە لە پارێزگای حەسەکەی سووریاوە بۆ بنکەکانی لە عێراق کرد.

ڤان ڤلبین راشیگەیاند: ئامارە فەرمییەکانی نیوەی یەکەمی ساڵی 2022ی رژێمی ئەسەد لە سووریا ئاماژە بەوە دەکات کە لە سەدا 80 ی ئەو نەوتەی لە سووریا دەردەهێندرێت لەلایەن هێزە داگیرکارییەکانی ئەمریکاوە بۆ دەرەوەی وڵات بە قاچاغ دەبردرێت.

ئەو گوتیشی: "ئەم چەتەگەراییە قەیرانی وزە و قەیرانی مرۆیی سووریا قوڵتر دەکاتەوە، مافی ژیانی گەلی سووریا لەلایەن ئەمریکاوە پێشێل دەکرێت، گەلی سووریا بە بڕێکی کەمی نەوت و خۆراک هەوڵ دەدەن ئەم زستانە سەختە بەڕێ بکەن".

گوتەبێژی وەزارەتی دەرەوەی چین بانگەشەی ئەوەی کرد کە هێزەکانی ئەمریکا لەسەرەتای ئەم مانگەدا 60 تانکەر و بارهەڵگری پڕ لە نەوت و دانەوێڵەیان لە سووریاوە بە قاچاغ بردووە، بەڕاستی چاوبرسێتی ئەمریکا کارێکی سەرسوڕهێنەرە، کە بەخشندەیی خۆی بۆ دابینکردنی ملیارەها تەنانەت دەیان ملیار دۆلار بۆ هاوکاری سەربازیی نیشاندەدات و لە هەمان کاتدا سەرچاوەکانی سووریا دەدزێت".

 





ئەم هەواڵە 112جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad