 |
|
|||
ZNA : هەولێر کاڵەک یەکێکە لە میوە هاوینەیە بەناوبانگەکان، دەوڵەمەندە بە بێتاکارۆتینەکان، ڤیتامین، کانزا، ڕیشاڵ و دژەئۆکسانەکان سوودێکی زۆری بۆ تەندروستی جەستە هەیە.
توێژینەوەکان دەریانخستووە کاڵەک ڕێژەیەکی زۆر ئاو و ڕیشاڵەکانی تێدایە و کالۆری کەمە، ئەوەش هەستی تێربوون زیاددەکات و یارمەتی دابەزینی کێش دەدات، بۆیە دەتوانرێت لەنێوان ژەمەکاندا پارچەیەک یان دوو پارچەی لێبخورێت بۆ کەمکردنەوەی هەستی برسێتی.
لەگەڵ ئەوەشدا کاڵەک دەوڵەمەندە بە ڤیتامین ئەی، سی و دژەئۆکسانەکان سوودێکی زۆری بۆ تەندروستی پێست، چاو، ئێسکەکان و بەهێزبوونی بەرگری جەستە هەیە، ڕێژەیەکی زۆر پۆتاسیۆمی تێدایە کۆنتڕۆڵی پەستانی خوێن دەکات و بۆ تەندروستی دڵ گرنگە، ئەگەر بەڕێژەیەکی گونجاو بخورێت مەترسی توشبوون بە نەخۆشی شەکرە کەمدەکاتەوە، بەڵام لەگەڵ ئەو هەموو سوودەشدا پێویستە زیادەڕەی تێدانەکرێت. ئەم هەواڵە 514جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad