2023-01-18 [08:52 AM]

‎زۆربەی جار غوددەی گەورەبووی فرە گرێ هیچ نیشانەیەکی لێ بەدەرناکەوێت ، دەرکەوتنی نیشانەکان پشت دەبەستێت بە قەبارە و ئیشی گرێکانەوە ئایا بە بڕێکی ئاسایی هۆرمۆن دەردەدەن ، یان هۆرمۆن کەم دەردەدەن ، یان هۆرمۆن زۆر دەردەدەن کە ئەمەیان پێشی دەڵێن  (غودەی گەوروبووی فرە گرێی ژەهراوی -Toxic multinodular goiter )
‎دەتوانین بڵێین نیشانەکان زیاتر هەست پێ دەکرێت کاتێک گرێکان لە جۆری سێیەم بن کە هەمان نیشانەکانی غوددەی ژەهراوی هەیە لەوانە :
‎١. زوو توڕەبوون و بێتاقەتی.
‎٢. دابەزینی کێشی لەش لە ماوەیەکی کەمدا بێ هۆکار.
‎٣. لەرزینی دەستەکان.
‎٤. عارەق کردنەوەی زۆرو بەرگە نەگرتنی گەرما.
‎٥. سکچون.
‎یاخود کاتێک غوددەکە زۆر گەورە دەبێت و پەستان دەخاتە سەر دەوروبەری ڕژێنەکە دەبێتە هۆی چەند نیشانەیەک لەوانە :
‎١. هەناسە توندی.
‎٢.هەستکردن بە ناڕەحەتی لەسەر سنگ.
‎٣.ناڕەحەتی لەکاتی قوتدانی خواردن.
‎*هەندێک جاریش دەکرێت غودەکە ئەوەندە گەورە بێت بە چاوی ئاسایی ببینرێت.