English | عربی | Kurdî دواهەواڵ
ڕاستەوخۆ  
 
نێچیرڤان بارزانی: هیوادارین وڵاتانی دیكه‌ش وه‌ك ئه‌ڵمانیا كۆمه‌ڵكوژی ئێزیدییه‌كان به‌ جینۆساید بناسێنن
2023-01-19 [03:50 AM]

ZNA-هەولێر


سه‌رۆكی هه‌رێمی كوردستان ده‌ستخۆشی له‌ بڕیاره‌كه‌ی ئه‌مڕۆی په‌رله‌مانی ئه‌ڵمانیا كرد سه‌باره‌ت به‌ جینۆسایدناساندنی كۆمه‌ڵكوژی ئێزدییه‌كان و داواشی له‌ وڵاتانی دیكه‌ش كرد هه‌مان هه‌نگاو بنێن.

ئه‌مڕۆ پێنجشه‌م په‌رله‌مانی ئه‌ڵمانیا كۆبوونه‌وه‌یه‌كی تایبه‌تی ئه‌نجام دا و له‌ كۆبوونه‌وه‌كه‌دا به‌ فه‌رمی و به‌ ده‌نگی سه‌رجه‌م ئه‌ندامان، ده‌نگ درا به‌ به‌جینۆسایدناساندنی كۆمه‌ڵكوژی ئێزیدییه‌كان له‌ ساڵی 2014 له‌لایه‌ن ڕێكخراوی تیرۆریستی داعشه‌وه‌‌.

نێچیرڤان بارزانی سه‌رۆكی هه‌رێمی كوردستان له‌ تویتێكدا ڕایگه‌یاند: ده‌ستخۆشی و پێشوازی له‌ بڕیاری په‌رله‌مانی ئه‌ڵمانیا ده‌كه‌ین به‌ ناساندنی كۆمه‌ڵكوژیی ئێزدییان به‌ جینۆساید. سوپاس و پێزانینمان بۆ هاوكاری و پشتگیریی به‌رده‌وامی ئه‌ڵمانیا".

ڕاشیگه‌یاند "هیوادارین هه‌مان هه‌نگاو له‌ وڵاتانی دیكه‌ی ئه‌وروپا و جیهان ببینین و دادپه‌روه‌ری بۆ قوربانییان به‌جێبێت".  

له‌ ساڵی 2014 و له‌ كاتی هێرشه‌كانی ڕێكخراوی تیرۆریستی داعش، شه‌نگالیش یه‌كێك بوو له‌و ناوچانه‌ی له‌لایه‌ن چه‌كدارانه‌وه‌ په‌لاماردرا و به‌هۆیه‌وه‌ ژماره‌یه‌كی زۆری كوردانی ئێزیدی كه‌وتنه‌ به‌ر شاڵاوی جینۆسایده‌وه‌.

نووسینگەی رزگارکردنی رفێنراوانی ئێزدی له‌ دوایین ئاماردا ئاماژه‌ی به‌وه‌ دابوو: چه‌كدارانی داعش له‌ ساڵی 2014 و له‌ كاتی په‌لاماردانی شه‌نگال، 6 هه‌زار و 417 هاووڵاتی کوردی ئێزیدییان رفاندبوو، له‌م ژماره‌یه‌شدا تا ئێستا توانراوه‌ 3 هه‌زار و 562 كه‌س رزگار بكرێن، به‌ڵام تا ئێستا چاره‌نووسی 2 هه‌زار و 693 رفێنراوی تر دیار نییه‌.





ئەم هەواڵە 241جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad