English | عربی | Kurdî دواهەواڵ
ڕاستەوخۆ  
 
حکومەتی ئەمریکا بەرنامەیەکی نوێی بۆ وەرگرتنی کۆچبەران راگەیاند
2023-01-20 [01:53 AM]

ZNA- هەولێر


وەزارەتی دەرەوەی ئەمریکا رایدەگەیێنێت، بەرنامەیەکی نوێیان بۆ وەرگرتنی کۆچبەران دەبێت. بە گوێرەی ئەو بەرنامەیەش هانی هاووڵاتییانی ئەمریکی دەدەن سپۆنسەری کۆچبەران بکەن تاوەکو بچنە ئەمریکا و حکومەتیش هاوکاریی داراییان بۆ دابین دەکات.

 

رۆژی پێنجشەممە، 19ـی کانوونی دووەمی 2023، وەزارەتی دەرەوەی ئەمریکا بەرنامە نوێیەکەی وەرگرتنی کۆچبەرانی راگەیاند و ئاشکرایکرد، هەر پێنج ئەمریکییەک پێکەوە دەتوانن سپۆنسەری کۆچبەرێک بکەن، تاوەکو بێتە ئەمریکا. هەر کۆچبەرێکیش 2,275 دۆلاری پێدەدرێت بۆ سێ مانگی یەکەمی کە لە ئەمریکا دەمێنێتەوە بۆ دابینکردنی پێداویستییەکانی.

 

ئەنتۆنی بلینکن، وەزیری دەرەوەی ئەمریکا رایگەیاند، ئەو بەرنامەیە ئەرکی سەرشانی حکومەت ئاسانتر دەکات، لەگەڵ ئەوەشدا هەوڵەکانی حکومەت خێراتر دەکات بۆ وەرگرتنی ئەو کۆچبەرانەی پێویستیان بە هاوکاریی بەپەلە هەیە و لە دۆخێکی ناهەمواردان.

 

هەروەها ئەو بەرنامە نوێیەی حکومەتی واشنتن بەشێکە لە پلانی ئیدارەی بایدن بۆ هاوکاریکردنی ئەمریکییەکان بۆ کەسانی بیانی کە پێویستیان بە یارمەتی و پاراستن هەیە.

 

بە گوێرەی پلانەکەی وەزارەتی دەرەوەی ئەمریکا بێت، لە یەکەم ساڵ و دەستپێکی ئەو بەرنامەیەدا، هەوڵدەدەن 10 هەزار سپۆنسەری ئەمریکی بدۆزنەوە بۆ وەرگرتنی گرووپێک لە کۆچبەران، کە زیاتر نەبن لە پێنج هەزار کۆچبەر. ساڵی یەکەمی ئەو بەرنامەیەش تاوەکو 30ـی ئەیلوولی ئەمساڵ - 2023 بەردەوام دەبێت.

 

ساڵی رابردوو، ئیدارەی بایدن پلانی ساڵانەی وەرگرتنی کۆچبەرانی ئاشکراکرد و رایگەیاند، پلانیان هەیە ساڵانە 125 هەزار کۆچبەر وەربگرن، بەڵام بە گوێرەی ئامارەکانی حکومەتی ئەمریکا لە مانگی تشرینی یەکەم تاوەکو کانوونی یەکەم ساڵی تەنیا شەش هەزار و 750 کۆچبەریان وەرگرتووە.

 

لەلایەکی دیکەوە، بەرپرسانی وەزارەتی دەرەوەی ئەمریکا ئاشکرایان کردووە، وڵاتەکەیان لە سێ مانگی رابردوودا چاوپێکەوتنیان لەگەڵ نزیکەی 30 هەزار کۆچبەر لە وڵاتانی دەرەوە کردووە و چاوەڕێ دەکەن تاوەکو کۆتایی ئەمساڵ ئەو کۆچبەرانە بگوازرێنەوە ئەمریکا.

 





ئەم هەواڵە 169جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad