English | عربی | Kurdî دواهەواڵ
ڕاستەوخۆ  
 
رووسیا كونتڕۆڵكردنی ژماره‌یه‌ك ناوچه‌یه‌كی نوێ له‌ ئۆكرانیا راده‌گه‌یه‌نێت
2023-01-22 [08:19 AM]

ZNA-هەولێر


به‌گوێره‌ی راگه‌یه‌ندراوێكی وه‌زاره‌تی به‌رگری رووسیا، سوپای ئه‌و وڵاته‌ توانیویه‌تی ژماره‌یه‌ك ناوچه‌ی نوێ له‌ نزیك شاری سولیدار و زاپۆریژیا كۆنتڕۆڵ بكات.

رۆژی شه‌ممه (21ـی كانوونی دووه‌م/یه‌نایه‌ری 2023)، وه‌زاره‌تی ده‌ره‌وه‌ی رووسیا له‌ راگه‌یه‌ندراوێكدا كۆنتڕۆڵكردنی ژماره‌یه‌ك ناوچه‌ی نوێ له‌ نزیك شاری سولیدار و زاپۆریژیا راگه‌یاند.

لە راگەیەندراوه‌كه‌دا وەزارەتی بەرگری رووسیا ئاماژه‌ی به‌وه‌شكردووه‌، لە هێرشەکانی ئەم دواییانەدا توانویانە دەست بەسەر ژمارەیەک ناوچەی گرنگ لە زاپۆریژیا بگرن و هێڵی یەکەمی بەرگری ئۆکرانیا لەو ناوچەیە تێپەڕێنن و لە ئێستاشدا پێکدادانی توند لە زاپۆریژیا بەردەوامە.

هه‌ر به‌ گوێره‌ی راگه‌یه‌ندراوه‌كه‌، پێشڕەوییەکانی سوپای رووسیا لە ناوچەکانی ئۆریگۆڤ و گۆلیبۆلیا لە ناوچەی زاپۆریژیا بەردەوامن.

له‌ به‌رامبه‌ردا حاکمی زاپۆریژیا سەر بە ئۆکرانیا ئەوەیخستەڕوو، سوپای رووسیا لەماوەی دوو رۆژی رابردوودا 166 جار هێرشیانکردووەتەوە سەر زاپۆریژیا و بەهۆیەوە ژمارەیەک خەڵکی سڤیل کوژراون.

ئه‌مه‌ له‌ كاتێكدایه‌ رۆژی هه‌یینی (13ـی كانوونی دووه‌م/یه‌نایه‌ری 2023)، وه‌زاره‌تی به‌رگری رووسیا رایگه‌یاند، ناوچه‌ی سۆلیداریان به‌ ته‌واوی كۆنترۆڵ كردووه‌ و ئه‌و سه‌ربازه‌ ئۆكرانیانه‌ی له‌ سنووره‌كه‌ ماونه‌ته‌وه‌، هیچ رێگه‌یه‌كیان له‌به‌رده‌مدا نه‌ماوه‌، جگه‌ له‌ خۆبه‌ده‌سته‌وه‌دان.





ئەم هەواڵە 139جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad