2023-01-22 [01:49 AM]

لە كاتی ڕاوەستانی گورچیلەكان لە كار كردن, ئەمانە ڕوو دەدات

... 1. كەڵەكە بوونی ژەهرەكان: گرنگترین فرمانی گورچیلەكان، بریتیە لە: كردنە دەرەوەی ئەو ژەهرانەی كە لە زیندە كارلێكەكانی ناو لەش پەیدا دەبێت، كاتێك گورچیلەكان تووشی ڕاوەستان دێت ئەو ژەهرانە كۆ دەبنەوەو دەبێتە دیاردەی كۆبوونەوەی یۆریا (Uremia)، واتە: (كۆبوونەوەی ژەهری میز لە خوێن) كە كار دەكاتە سەر مێشك و بەشە گرنگەكانی تری لەش و دەبێتە هۆی داهێزران و نیشانەكانی لە سەردیار دەكەون و تا دەگاتە بوورانەوە.

2. تەواو گەشە نەكردن و هەڵنەدان لە منداڵان:

ئەمەش بە هۆی ترشبوونی خوێن و كەمی ڤیتامین (D) ی پێویست بۆ دروستبوونی ئێسقانەكان و كەم كار كردنی هۆڕمۆنەكان بە هۆی بوونی (Uremia), ئەوانە هەموو بەیەكەوە دەبێتە هۆی تەواو گەورە نەبوونی منداڵەكەو لە ئەنجامدا لەڕوو لاواز دەبێت

. 3. ئێسكە نەرمەی گورچیلە (Renal Rickets)، بەهۆی ناڕێكی كاری گورچیلەكان كار دەكاتە سەر توخمەكانی كالیسیۆم و فۆسفۆرو دواتر نیشتنیان لە ئێسقانەكان

. 4. كەمخوێنی: لە ئەنجامی كەمبوونی هۆڕمۆنی ئیرسرۆپۆتین لە خوێن. 5

. زیادبوونی ترش لەناو خوێن: وە گرنگترین نیشانەكان، بریتین لە: ڕاڕایی, هەڵچوون, هەناسەدانی خێراو ماكی تر وەك ناڕێكی لە لێدانەكانی دڵ و مردنی لەناكاو, چارەسەر كردنی ئەو بارە بە پێدانی ماددەیەكی تفت دەبێت، وەك: كاربۆناتی سۆدیۆم. 6

. تێكچوونی هاوسەنگی نێوان توخم و خوێیەكان لە لەشدا

. 7. بەرز بوونەوەی فشاری خوێن، گورچیلە ڕێكخەری سەرەكی فشاری خوێنی مرۆڤە، ڕاوەستانی دەبێتە هۆی بەرز بوونەوەی فشاری خوێن

. 8. لەوانەیە ببێتە هۆی هەوكردنی پەردەی دڵ, لاوازی مێشك و دەمار، بەڵام لە منداڵان كەمتر ڕوو دەدات. (د. بەكر رەحمان لهێبانی – پسپۆڕی نەخۆشیەكانی هەناوو گورچیلە)