|
 |
|
|||
ZNA- هەولێر بۆ بەرزکردنەوەی بەهای دیناری عێراقی بەرامبەر دۆلاری ئەمریکی، سەرۆکوەزیرانی عێراق کۆمەڵێک بڕیار دەدات. یەکێک لەوانە كردنه‌وه‌ی دەرگەی نوێیە بۆ فرۆشتنی دۆلار بە بازرگانه بچووكه‌كان، ئەمەش لە رێگەی بانكی بازرگانیی عێراقییه‌وه.
ئه‌مڕۆ یه‌كشه‌ممه 22-1-2023، محه‌ممه‌د شیاع سوودانی، سه‌رۆكوه‌زیرانی عێراق، سه‌رۆكایه‌تی كۆبوونه‌وه‌یه‌كی كرد له‌گه‌ڵ ژووره بازرگانییه‌كانی عێراق كه تایبه‌ت بوو به هۆكاره‌كانی گۆڕانكاریی نرخی دراوی بیانی له بازاڕه‌كانی عێراق و كاریگه‌رییه‌كانی له‌سه‌ر هاووڵاتیان و دانانی چاره‌سه‌ریی یه‌كلاكه‌رەوه بۆ ئه‌م كێشه‌یه. له كۆبوونه‌وه‌کەدا هه‌ر یه‌ك له پارێزگاری بانكی ناوه‌ندی عێراق، به‌ڕێوەبه‌ره گشتییه‌كانی ده‌ر‌وازه سنوورییه‌كان، باج، گومرگ و پێشانگە بازرگانییه‌كان ئاماده‌بوون.
بەپێی راگەیێندراوی نووسینگەی سەرۆکوەزیرانی عێراق، له‌سه‌ر راسپارده‌كانی سه‌رۆكوه‌زیران، لە کۆبوونەوەکەدا چه‌ند بڕیارێک دران كه "له به‌رژه‌وه‌ندیی سه‌قامگیركردنی نرخی ئاڵوگۆڕی دراو و رێگه‌نه‌دان به یاری پێكردن و دانانی سنوورێكە بۆ زیانه‌كانی ئابووری نیشتمانی."
گرنگترین بڕیاره‌كان:
- كردنه‌وه‌ی رێگەی نوێ بۆ فرۆشتنی دراوی بیانی بە بازرگانه بچووكه‌كان، ئەمەش لە رێگەی بانكی بازرگانیی عێراقییه‌وه (TBI).
- بانکی ناوەندیی عێراق گوژمێكی زیاتر، بە بڕی 500 ملیۆن دۆلاری ئه‌مریكی دەداتە بانكی بازرگانیی عێراقی (TBI) به‌مه‌به‌ستی كردنه‌وه‌ی پشتبەستن بە تاپۆ بۆ بازرگانه بچووكه‌كان، ته‌نیا به رێگەی پسووڵەی سه‌ره‌تایی و كردنه‌وه‌ی ژماره هەژمارێک ده‌بێت له‌لایه‌ن ئه‌و كه‌سه‌ی كه سوودمه‌نده له‌م پشتبەستنە دا.
- ده‌ستكردن بە هاورده‌كردنی كه‌لوپه‌له‌كانی كۆمپانیا تۆماركراوه‌كان له‌لایه‌ن فه‌رمانگه‌ی تۆماركردنی كۆمپانیاكانی سه‌ر به وه‌زاره‌تی بازرگانیی فیدراڵ به هه‌موو جۆره‌كانی كۆمپانیا و كارگه تۆماركراوه‌كان له‌لایه‌ن به‌ڕێوەبه‌ری گشتیی گه‌شەپێدانی پیشه‌سازیی و پڕۆژه‌كانی وه‌به‌رهێنان به هه‌موو جۆره‌كانیه‌وه كه مۆڵه‌تیان هه‌یه ئەم هەواڵە 172جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad