|
 |
|
|||
ZNA-هەولێی
ڤۆڵۆدیمیر زێلێنسکی سەرۆکی ئۆکرانیا لە کۆبوونەوەیەکی داخراودا لەگەڵ بۆریس جۆنسۆن سەرۆکوەزیرانی پێشووی بەریتانیا، رایگەیاندووە باشترین گرەنتی بۆ ئۆکرانییەکان ئەندامێتی ناتۆ دەبێت.
بەگوێرەی راگه‌یه‌ندراوێكی سەرۆکایەتی ئۆکرانیا، ڤۆڵۆدیمیر زێلێنسکی لە کۆبوونەوەیەکی داخراودا لەگەڵ بۆریس جۆنسۆن سەرۆکوەزیرانی پێشووی بەریتانیا، کە سەردانی کیێڤی کردبوو، کۆبووەوە. لە میانی كۆبوونه‌وه‌كه‌دا زێلێنسکی و جۆنسۆن تاوتوێی پرسەکانی درێژه‌دان به پشتیوانی نێودەوڵەتییان بۆ ئۆکرانیا کردووه. هاوکات، بابه‌ته‌كانی په‌یوه‌ست به ئامادەکارییەکان بۆ "لوتکەی ئاشتی" بە دەستپێشخەریی ئۆکرانیا تاوتوێ کراون و زێلێنسکی سوپاسی جۆنسۆنی کردووه بۆ ئەو پشتگیرییەی پێشکەشی وڵاتەکەی کردووه. سه‌رۆكی ئۆكراینا باسی له پرۆسەی ئه‌ندامێتیی ئۆکرانیا له ناتۆ كه به‌رده‌وامی هه‌یه كردووه و رایگه‌یاندووه "باوەڕم وایە ئەندامێتی ناتۆ باشترین گرەنتی دەبێت بۆمان". ڤۆڵۆدیمیر زێلێنسکی تیشكی خستووه‌ته سه‌ر ئه‌وه‌ی سوپای رووسیا وره‌ی نزمه به‌ڵام سەرەڕای ئەمە پێویستیان بە هاوکاری زیاتر هه‌یه له‌ڕووی چەکه‌وه. ئەم هەواڵە 121جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad