English | عربی | Kurdî دواهەواڵ
ڕاستەوخۆ  
 
باوترین هۆکارەکانی سەرمابوونی بەردەوام
2023-01-24 [09:36 AM]

هەولێر : ZNA


پسپۆڕێکی پزیشکیی فریاکەوتن لە ئەمریکا چەند هۆکارێکی سەرمابوونی بەردەوام دەخاتەڕوو و رایدەگەیێنێت، کەمبوونی ڤیتامینەکان هۆکاری سەرەکییە بۆ بەردەوام هەستکردن بە سەرمابوون و ساردیی دەست و قاچ

 

. دکتۆر کارۆل دیرسارکیسیان، پسپۆڕی پزیشکیی فریاکەوتن لە نەخۆشخانەی نەخۆشخانەی مانهاتن لە ئەمریکا 'کەمیی ڤیتامینەکان، ناڕێکیی سووڕی خوێن، لاوازیی جەستە و تەنانەت کەمخەویش' بە هۆکاری ساردبوونی بەردەوامی دەست و قاچ دادەنێت

 

. دکتۆر کارۆل دیرسارکیسیان هۆکارێکی سەرمابوونی بەردەوام دەگەڕێنێتەوە بۆ کەمیی ڤیتامینەکان و دەڵێت: ''فەرمانی سەرەکیی مادەی ئاسن و ڤیتامین بی گواستنەوە و هاندانی بەرهەمهێنانی خرۆکە سوورەکانی خوێنە کە ئۆکسجین بەنێو جەستەدا دەگوازنەوە، بەڵام کاتێک رێژەی ئەو مادانە کەمدەبنەوە ئەوا بڕێکی کەمتر ئۆکسجین دەگات بە خانەکان، سەرئەنجام کەسەکە دووچاری لەرزین و سەرمابوون دەبێتەوە.'' لەبارەی کاریگەرییەکانی کەمخەوی لەسەر هەستکردن بە سەرمابوون پسپۆڕەکە دەڵێت: خەوی ناڕێک کاریگەریی نەرێنی لەسەر خانەکانی مێشک دروستدەکات و وایان لێدەکات لە رێکخستن و کۆنتڕۆڵکردنی پلەی گەرمیی جەستە لاوازبن

 

. بە گوتەی دکتۆر کارۆل ئەو کەسانەی کێشیان کەمە زیاتر دووچاری سەرمابوون دەبنەوە، بەجۆرێک ئەوانەی پێوانەی بارستایی جەستەیان BMI لە 18.5 کەمترە بەڕێژەیەکی زیاتر دووچاری سەرمابوونی قاچ و دەستەکان دەبن

 

. لە کۆتاییدا پسپۆڕەکەی فریاکەوتن پێشنیازدەکات لەوەرزی زستاندا بایەخ بە خۆراکەکانی وەکو 'مۆز، زەنجەبیل، قاوە، گۆشت، پەتاتە، شۆفان و سووپ' بدرێت، هاوکات لەکاتی کەمبوونی ڤیتامینەکانیش دەشێت پەنا ببرێتە بەر تەواوکەرەخۆراکییەکانی ڤیتامین بی و مادەی ئاسن لەژێر راوێژی پزیشک.





ئەم هەواڵە 166جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad