English | عربی | Kurdî دواهەواڵ
ڕاستەوخۆ  
 
وەزارەتی دەرەوەی ئەمەریکا: ئەو کەسەی قورئانی سوتاندووە رەنگە هاندرابێت
2023-01-24 [08:01 AM]

ZNA-هەولێر


 

نێرد پرایس، گوتەبێژی وەزارەتی دەرەوەی ئەمەریکا لە کۆنفرانسێکی رۆژنامەوانیدا سەبارەت بە سوتاندنی قورئان لە سوید رایگەیاند، کەسێک کە رەنگە هاندرابێت هەوڵیداوە کێشە بۆ گفتوگۆکانی بەئەندامبوونی سوید لە ناتۆ دروستبکات.

گوتەبێژی وەزارەتی دەرەوەی ئەمەریکا  باسی لەوەش کرد، کە سوید و فینلاند ئامادەن ببن بە ئەندام لە ناتۆ بەهۆی توانای سوپاکانیان و هەروەها ئەو پەیوەندییە دوورودرێژەی لەبواری ئاسایش هەمانە لەگەڵیان کە دەگەڕێتەوە بۆ چەند دەیەیەک لەمەوبەر.

لەبارەی سوتاندنی قورئان لەلایەن سیاسەتمەدارێکی راستڕەوی سویدی، نێد پرایس گوتی "کەسێک کە لەوانەیە کە هاندرابێت، هەوڵیداوە ناکۆکی بخاتە نێوان دوو هاوپەیمانی نزیکی ئێمە کە تورکیا و سویدن، بۆئەوەی کاریگەری لەسەر گفتوگۆکانی بە ئەندامبوونی سوید لە ناتۆ بکات".

رۆژی 21ـی کانوونی دووەم، راسموس پالودان سیاسەتمەداری راستڕەوی توندڕەو، لەبەردەم باڵیۆزخانەی تورکیا لە پایتەختی سوید، ئاگری لە کۆپییەکی (قورئان) کتێبی پیرۆزی موسڵمانان بەردا.

لەبەرانبەر سووتاندنی قورئان لەنزیک باڵیۆزخانەی تورکیا لە پایتەختی سوید، ئەنقەرە هەڵویستی خۆی راگەیاند و، سەردانەکەی وەزیری بەرگری سویدی بۆ وڵاتەکەی هەڵوەشاندەوە.

چەندین وڵات و دامەزراوەی ئیسلامیش هەڵوێستی خۆیان لەدژی سوتاندنی قورئان راگەیاند و بەشێك لە رێکخراوەکانی کۆمەڵگەی نێودەوڵەتیش کردەوەکەیان سەرکۆنەیان کرد.





ئەم هەواڵە 145جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad