English | عربی | Kurdî دواهەواڵ
ڕاستەوخۆ  
 
بە گوژمەى (877 ملیۆن دینار) بەردی بناغەی پرۆژەی دروستکردنی پۆندێکى ئاو لە دارەتوو دانرا
2023-01-24 [02:04 AM]


ئەمڕۆ سێشەممە 2023.1.24، لە ژێرچاودێرى ئومێد خۆشناو، پارێزگارى هەولێر و بە ئامادەبوونى د.عەلى ڕەشید، سەرۆکى ئەنجومەنى پارێزگاى هەولێر و مەسعود کاڕەش، جێگرى پارێزگار و بەڕێوەبەرى ئاودێرى هەولێر و بەڕێوەبەرى ناحییە و بەڕێوەبەرى شارەوانى دارەتوو و ژمارەیەکى تر لە ئەندازیاران و سەرپەرشتیارانى پڕۆژەکە، بە مەبەستی پاراستنی دارەتوو و دەوروبەری لە مەترسی لافاو بە گوژمەى (877 ملیۆن دینار) لە سەر بودجەى پەرەپێدانى پارێزگاى هەولێر، بەردی بناغەی پرۆژەی دروستکردنی پۆندێکى ئاو دانرا، کە بەشێوەى بەڵێندەرایەتى جێبەجێ دەکرێت و ماوەى تەواوکردنى پڕۆژەکەش (210 ڕۆژە).

جێگەى باسە، ئەم پڕۆژەیە جگە لەوەى کە بەنداوێکى بچووکە و ئاوى باران و لافاو کۆدەکاتەوە، بۆ وەرزى گەرما و کشتوکاڵ و ئاژەڵدارى ناوچەکە و زیادکردنى ئاوى ژێر زەوى سوودی زۆرى دەبێت و لە هەمانکاتیشدا دەبێتە شوێنێکى گەشتیاری، لە ناوچە جیاجیاکانى سنوورى پارێزگاى هەولێریش، چەندین پۆند بڕیارى دروستکردنیان دراوە بە تایبەت لە سنوورى گوندەکان، لە ئێستاشدا زۆربەى ئەو پڕۆژانەى کە بودجەیان بۆ تەرخان کراوە و کەوتوونەتە بوارى جێبەجێکردنەوە و ئەوانیتریش لە قۆناغى تەندەر و گرێبەستدان بۆ دەستپێکردنیان.





ئەم هەواڵە 145جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad